Ramgopal Varma: హైదరాబాద్ మేయర్ ఇంట్లోకి వీధి కుక్కలను తోలాలి… సంచలన వ్యాఖ్యలు చేసిన వర్మ!

Ramgopal Varma: హైదరాబాద్ అంబర్ పేట్ వీధి కుక్కల ఘటన అందరిని ఎంతగానో కలిచి వేస్తోంది. ప్రదీప్ అనే చిన్నారిపై వీధి కుక్కలు దాడి చేయడమే కాకుండా ఈ దాడిలో చిన్నారి మరణించడంతో ఒక్కసారిగా నగరం మొత్తం ఉలిక్కిపడింది.ఇలా ఈ చిన్నారి మరణించడంతో పలువురు ఈ ఘటన పై స్పందిస్తూ తమదైన శైలిలో కామెంట్లు చేస్తున్నారు.

ఈ క్రమంలోనే హైదరాబాద్ నగర మేయర్ గద్వాల విజయలక్ష్మి ఈ ఘటనపై వ్యవహరించిన తీరు పట్ల సంచలనాత్మక డైరెక్టర్ రామ్ గోపాల్ వర్మ సంచలన వ్యాఖ్యలు చేశారు. ఈ సందర్భంగా రామ్ గోపాల్ వర్మ వరుస ట్వీట్లు చేస్తూ మేయర్ విజయలక్ష్మిని టార్గెట్ చేశారు.ఈ క్రమంలోనే రాంగోపాల్ వర్మ గతంలో విజయలక్ష్మి కుక్కలకు కుడి చేతితో అన్నం తిని పెడుతూ తాను ఎడమ చేతితో తింటున్నటువంటి వీడియోని షేర్ చేశారు.

ఈ వీడియోని షేర్ చేస్తూ మేయర్ గారికి కుక్కలు అంటే చాలా ప్రేమ ఉన్నట్టుంది. ఇలా వీధిలో కుక్కలన్నింటినీ తన ఇంటికి పంపించాలని వీటికి ఆమె అన్నం పెడితే అవి మన పిల్లలను తినవు అంటూ కామెంట్ చేశారు. అలాగే మరొక ట్వీట్ చేస్తూ… కుక్కలపై మేయర్ గారికి ఇంత ప్రేమ ఉంది కనుక నగరంలో ఉన్నటువంటి ఐదు లక్షల కుక్కలను తన ఇంటికి పంపించి మధ్యలో తనని కూర్చోబెడితే బాగుంటుంది అంటూ మరొక ట్వీట్ చేశారు.

Ramgopal Varma:నాకు మహిళలు అంటే ఎంతో గౌరవం…

ఇలా మేయర్ గురించి వర్మ చేసినటువంటి ఈ ట్వీట్స్ వైరల్ అవుతున్నాయి. అయితే ఈయన మరొక వీడియోని షేర్ చేస్తూ మంత్రి కేటీఆర్ గారు హైదరాబాద్ మేయర్ గద్వాల్ విజయలక్ష్మి ఇంటికి ఐదువేల వీధి కుక్కలను పంపించాలి. ఇలా వీధి కుక్కలను విడిచి పెడితే ఆమె వాటిపై ఎంత ప్రేమ చూపిస్తారో చూడాలని ఈయన చెప్పుకొచ్చారు. ఈ వీడియో చివరిలో వర్మ మాట్లాడుతూ తనకు మహిళలంటే చాలా గౌరవం కానీ ఇప్పుడు మీ మీద అసలు గౌరవం లేదు అంటూ ఈ వీడియోని షేర్ చేశారు. ప్రస్తుతం వర్మ చేసినటువంటి ఈ కామెంట్స్ సోషల్ మీడియాలో వైరల్ అవుతున్నాయి.