Ramya Krishna: రమ్యకృష్ణ నటించిన ఆ సినిమా చూసి కాళ్లకు దండం పెట్టారా… ఆ సినిమా ఆమెకు అంత ప్రత్యేకమా?

Ramya Krishna: టాలీవుడ్ ఇండస్ట్రీలో నటిగా ఎంతో పేరు ప్రఖ్యాతలు సంపాదించుకున్న సీనియర్ నటి రమ్యకృష్ణ గురించి ప్రత్యేకంగా చెప్పాల్సిన పని లేదు. ఈమె హీరోయిన్ గా విలన్ పాత్రలలో నటించి మెప్పించారు.ఇప్పటికీ వరుస సినిమాలతో ఎంతో బిజీగా గడుపుతున్న రమ్యకృష్ణ తాజాగా ఒక ఇంటర్వ్యూలో పాల్గొని తన సినీ కెరియర్ గురించి ఆసక్తికరమైన విషయాలను వెల్లడించారు.

ఈ సందర్భంగా రమ్యకృష్ణ మాట్లాడుతూ చిన్నప్పుడు తన తల్లి తనని డాన్సర్ చేయాలని చిన్నప్పుడే కూచిపూడి భరతనాట్యం నేర్పించారని అయితే తాను సినిమాలలోకి వచ్చానని ఈమె వెల్లడించారు. సినిమాల్లోకి వచ్చిన తర్వాత సినిమానే నా ప్రపంచంగా మారిపోయింది. అయితే సినిమాలలో తనకు ఏ మాత్రం విరామం దొరికిన తన కుమారుడితో ఎక్కువ సమయం గడపడానికి ఇష్టపడతానని తెలిపారు.

ఇకపోతే తను ఎన్నో సినిమాలలో హీరోయిన్ గా నటించిన నరసింహ సినిమాలో విలన్ పాత్ర తనకు మంచి గుర్తింపు తీసుకువచ్చిందని తెలిపారు. అదేవిధంగా అమ్మోరు సినిమాలో తన పాత్ర ప్రేక్షకులకు బాగా గుర్తుండిపోయిందని రమ్యకృష్ణ ఈ సందర్భంగా అమ్మోరు సినిమా గురించి ఆసక్తికరమైన విషయాలను తెలియచేశారు.అమ్మోరు సినిమాలో తను దేవత పాత్రలో ఎంతో అద్భుతంగా నటించిన విషయం మనకు తెలిసిందే.

Ramya Krishna: సినిమానే నా ప్రపంచం..

ఇలా అమ్మోరు సినిమాలో దేవత పాత్రలో నటించిన తర్వాత తాను మరొక సినిమా షూటింగ్లో పాల్గొంటున్నాను అయితే అక్కడికి కొందరు మహిళలు వచ్చి తనని నిజంగానే దేవతల భావించి సినిమా చూడటంతో ఆ మహిళలు ఏకంగా తన కాళ్లకు దండం పెట్టారని ఈ సందర్భంగా రమ్యకృష్ణ అమ్మోరు సినిమా గురించి చేసినటువంటి ఈ కామెంట్స్ ప్రస్తుతం సోషల్ మీడియాలో వైరల్ అవుతున్నాయి.