Rashmika: ఆ విషయంలో సౌత్ కన్నా బాలీవుడ్ ఎంతో బెటర్… సౌత్ ఇండస్ట్రీపై రష్మిక సంచలన కామెంట్స్!

Rashmika: రష్మిక మందన్న ఇండస్ట్రీలోకి వచ్చిన అతి తక్కువ సమయంలోనే నటిగా ఎంతో మంచి గుర్తింపు పొందింది. ఇలా నటిగా ఎంతో పేరు ప్రఖ్యాతలు సంపాదించుకున్న ఈమె పాన్ ఇండియా స్థాయిలో కూడా మంచి ఆదరణ రావడంతో బాలీవుడ్ సినిమా అవకాశాలను అందుకొని బిజీగా ఉన్నారు. ఇలా వరుస సినిమాలతో బిజీగా ఉన్న రష్మిక వరుస వివాదాల ద్వారా కూడా తరచూ వార్తల్లో నిలుస్తుంటారు.

ఈ క్రమంలోనే గత కొద్ది రోజుల క్రితం తనకు లైఫ్ ఇచ్చినటువంటి రిషబ్ శెట్టి నటించిన కాంతార సినిమా చూశారా అని మీడియా ప్రశ్నించగా సినిమా చూసి అంత టైం నాకు లేదంటూ ఈమె చెప్పిన సమాధానం ఎలాంటి పరిణామాలకు దారి తీసినదో మనకు తెలిసిందే. ఈ వివాదం మర్చిపోకముందే రష్మిక మరోసారి సౌత్ సినీ ఇండస్ట్రీ గురించి సంచలన వ్యాఖ్యలు చేశారు.

తాజాగా ఈమె బాలీవుడ్ ఇండస్ట్రీలో మిషన్ మజ్ను అనే సినిమా ద్వారా ప్రేక్షకుల ముందుకు రాబోతున్నారు. అయితే ఈ సినిమాలోని ఒక సాంగ్ ప్రమోషన్ కార్యక్రమంలో భాగంగా చిత్ర బృందం ఈవెంట్ నిర్వహించగా ఈ వేడుకలో రష్మిక సౌత్ సినీ ఇండస్ట్రీ గురించి సంచలన వ్యాఖ్యలు చేశారు.

Rashmika: సౌత్ సినిమాలను కించపరిచిన రష్మిక…

రొమాంటిక్ సాంగ్స్ తెరకేక్కించడంలో బాలీవుడ్ ది బెస్ట్. సౌత్ ఇండస్ట్రీలో మాస్ మసాలా కమర్షియల్ హంగులు మాత్రమే ఉంటాయని సౌత్ సినిమాల గురించి సంచలన వ్యాఖ్యలు చేశారు. ఈ సినిమాలో తాను మొదటిసారి రొమాంటిక్ సాంగ్ చేశానని పాట కోసం తాను చాలా ఎక్సైట్ గా ఉన్నాను అంటూ ఈమె చేసినటువంటి కామెంట్స్ వైరల్ అయ్యాయి.దీంతో పలువురు రష్మిక వ్యాఖ్యలపై స్పందించి కన్నడ చిత్ర పరిశ్రమ నుంచి ఇండస్ట్రీలోకి వచ్చి తెలుగు తమిళ భాషలలో మంచి గుర్తింపు పొందావు. దీంతో కన్నడ చిత్ర పరిశ్రమ పై ఆరోపణలు చేశావు. ఇప్పుడు బాలీవుడ్ అవకాశాలు రావడంతో సౌత్ ఇండస్ట్రీని తక్కువ చేసి మాట్లాడుతున్నావ్ ఇండియా మొత్తం సౌత్ సినిమాల గురించి మాట్లాడుతుంటే నువ్వు మాత్రం సౌత్ సినిమాలను తక్కువ చేసి మాట్లాడుతున్నావు అంటూ పెద్ద ఎత్తున నేటిజల్లు ట్రోల్ చేస్తున్నారు.