Jio PC : ఇక మీ టీవీని కంప్యూటర్‌గా మార్చుకోవచ్చా? ఎలాగో తెలుసుకోండి..! అంబానీ సంచలనం..

Jio PC : భారతదేశంలో దాదాపు 70 శాతం కుటుంబాల్లో టీవీలు ఉన్నప్పటికీ, కంప్యూటర్లు మాత్రం కేవలం 15 శాతం మందికే ఉన్నాయని అధ్యయనాలు చెబుతున్నాయి. ఈ ఖాళీని పూరించేందుకు రిలయన్స్ జియో JioPC పేరుతో ఒక వినూత్న సేవను ప్రారంభించింది. ఇది ప్రత్యేకంగా గ్రామీణ మరియు తక్కువ ఆదాయ కుటుంబాలు కంప్యూటింగ్‌ను తక్కువ ఖర్చుతో, సులభంగా అనుభవించేందుకు రూపొందించబడింది.

JioPC అంటే ఏమిటి?

JioPC అనేది మీ టీవీని కంప్యూటర్‌గా మార్చే వర్చువల్ డెస్క్‌టాప్ సేవ. ఇది Jio సెట్ టాప్ బాక్స్ ద్వారా పని చేస్తుంది. వెబ్ బ్రౌజింగ్, ఆన్‌లైన్ క్లాసులు, ఆఫీస్ పనులు చేయడానికి ఇది పర్ఫెక్ట్. Microsoft Office‌కు ఓపెన్ సోర్స్ ప్రత్యామ్నాయమైన LibreOffice‌తో వస్తుంది. అయితే MS Office వంటి యాప్‌లను బ్రౌజర్‌లో మాత్రమే యాక్సెస్ చేయాలి. ప్రింటర్, కెమెరా వంటి పరికరాలకి ఇప్పటికీ మద్దతు లేదు, కానీ ప్రాథమిక ఉపయోగాలకు ఇది సరిపోతుంది.

JioPC ఎలా వాడాలి?

1. టీవీ, Jio సెట్ టాప్ బాక్స్ ఆన్ చేయండి.
2. “యాప్స్” విభాగంలోకి వెళ్లి JioPC యాప్ ఓపెన్ చేయండి.
3. USB లేదా బ్లూటూత్ కీబోర్డ్-మౌస్‌ను కనెక్ట్ చేయండి.
4. JioPC ఖాతా సెటప్ చేసి, మీ వివరాలు నమోదు చేయండి.
5. “ఇప్పుడే ప్రారంభించు” క్లిక్ చేస్తే, JioPC సేవ మొదలవుతుంది.

ధర ఎంత?

JioPC వాడేందుకు మీరు రెండు మార్గాల్లో నమోదు చేసుకోవచ్చు:

• Jio సబ్‌స్క్రిప్షన్ ప్లాన్ ద్వారా, లేదా
• రూ. 5,499 వన్ టైమ్ చెల్లింపు చేసి యాక్సెస్ చేయవచ్చు.
  ప్రస్తుతం ఈ సేవ ఉచిత ట్రయల్‌గా అందుబాటులో ఉంది.

ప్రయోజనం పొందేవారు ఎవరు?

TechCrunch నివేదిక ప్రకారం, Jio ఈ సేవతో తన 488 మిలియన్ల కస్టమర్ బేస్‌ను మరింత విస్తరించాలనే లక్ష్యంతో ఉంది. కంప్యూటర్ యాక్సెస్ తక్కువగా ఉన్న గ్రామీణ ప్రాంతాల్లో JioPC గేమ్‌చేంజర్‌గా మారనుంది. డిజిటల్ ఇండియా, రిమోట్ లెర్నింగ్ మరియు వర్క్ ఫ్రమ్ హోం కోణాల్లో ఇది పెద్దపెద్ద మార్పులకు దారి తీయనుంది.

మొత్తం మీద, JioPC భారతదేశంలో డిజిటల్ విప్లవానికి కొత్త దిక్సూచి అవుతుందని చెప్పొచ్చు.