నెపోటిజంపై సెన్సేషనల్ కామెంట్స్ చేసిన రేను దేశాయ్..!!

మోడలింగ్ రంగంలో నుంచి తెలుగు చిత్రసీమకు పరిచయమైన రేణు దేశాయ్ పవన్ కళ్యాణ్‌తో నటించిన తొలి సినిమాతోనే సక్సెస్ క్రెడిట్ ను తన ఖాతాలో వేసుకుంది. ‘బద్రీ’ చిత్రంలో పవన్ తో కలిసిన నటించిన రేణూ తొలి పరిచయంతోనే మన పవర్ స్టార్ తో ప్రేమలో పడింది. పెళ్ళి చేసుకుంది. పెళ్ళైన తర్వాత కొన్నేళ్ళ పాటు సజావుగానే సాగిన వీళ్ల కాపురంలో కొన్ని కలతలు వచ్చి విడాకులు తీసుకున్నారు.

పవన్‌ ప్రస్తుతం రాజకీయాల్లో బిజీగా ఉండగా, రేణుదేశాయ్‌ సినిమాల వైపు అడుగులు వేస్తూ కొన్ని సినిమాలకు దర్శకురాలిగా, నిర్మాతగా తనదైన స్టైల్ లో ముందడుగులేస్తుంది రేణూ దేశాయ్. ఇదిలావుండగా ఈమధ్యకాలంలో సుశాంత్ సూసైడ్ వివాదం బాలీవుడ్, టాలీవుడ్ అనే భేధం లేకుండా మొత్తం సినీరంగాలనే కుదిపేసిన సంగతి తెలిసిందే.! ఇదే అంశంపై మీడియా ముందుకొచ్చిన రేణూ దేశాయ్ నెపోటిజంపై మాట్లాడింది. ఒక్క సినిమా రంగ‌మ‌నే కాదు అన్నీ చోట్ల నెపోటిజం ఉంది. ప్రతిభ ఉండి ధైర్యంగా నిల‌బ‌డ‌గ‌లిగితే నెపోటిజంను దాటి విజయాలను సాధించ‌వ‌చ్చున‌ని చెబుతూ.. 

‘సుశాంత్ చాలా సెన్సిటివ్. అతడిలో అద్భుతమైన టాలెంట్ వుంది కాబ‌ట్టి సినిమా రంగంలో సక్సెస్ అయ్యాడు. స్టార్ అయ్యాడు. కానీ త‌నని తాను జాగ్ర‌త్త‌గా కాపాడుకోవాలి. సుశాంత్ ఎమోషన్స్‌ను బ్యాలెన్స్ చేసుకోవడంలో విఫలమయ్యాడనుకొంటున్నాను. అందువ‌ల్లే అత‌ను డిప్రెషన్ కు గురయ్యాడు. ఫ్యామిలీ బ్యాగ్రౌండ్ నో, లేక స్వయంప్రతిభనో న‌మ్ముకుని సినిమా రంగంలోకి రావ‌చ్చు.. కానీ వీటన్నిటికన్నా ముందు ఏ సమస్యనైనా సునాయాసంగా ఎదుర్కోగల మ‌నోధైర్యం కూడా మనలో ఉండాలి. మ‌న‌ల్ని మ‌నం ఇక్క‌డ ప్రూవ్ చేసుకోవాలంటే చాలా మాన‌సిక ధైర్యం కావాలి’ అంటూ సుశాంత్ మరణంపై తన ఎమోషనల్ ఫీలింగ్స్ ను పంచుకుంది రేణూ దేశాయ్‌.