వీడియో వైరల్: నడిరోడ్డుపై మెరిసే కత్తితో వ్యక్తిపై దాడి.. భయంతో పరుగులు పెట్టిన జనాలు!

పట్టపగలే నడిరోడ్డుపై ఓవ్యక్తి దారుణంగా హత్యకు గురయ్యాడు. రోడ్డుపై ఎక్కువ రద్దీ లేకున్నప్పటికీ,ఎంతో ప్రశాంతంగా ఉన్న ఆ రోడ్డుపై ఓ వ్యక్తి తన మిత్రుడితో కలిసి మాట్లాడుతుండగా వెనుక నుంచి మరొక యువకుడు కత్తితో దాడి చేయడంతో ఆ ప్రాంతంలోని ప్రజలు ఒక్కసారిగా భయభ్రాంతులకు లోనయ్యారు. ఈ విధంగా వ్యక్తి దాడిచేసిన ఘటన సీసీటీవీ కెమెరాలో రికార్డు అవడంతో ప్రస్తుతం ఈ వీడియో సోషల్ మీడియాలో వైరల్ గా మారింది.

పుణెలోని పింప్రీ-చింద్వాడ రోడ్డు. చిఖాలీ ఏరియా. ప్రశాంతంగా ఉంది. ఇద్దరు వ్యక్తులు రోడ్డుపై సరదాగా మాట్లాడుకుంటున్నారు. వీరితో పాటు ఓ కుర్రాడు కూడా ఉన్నారు. ఈ క్రమంలోనే రోడ్డుపై అటుగా వెళ్తున్న ఆకాష్.. అనే కుర్రాడు 4 అడుగుల ముందుకు వెళ్లి అక్కడ ఆగి తన సంచీలోంచి ఒక కత్తిని తీసి కనిఫ్ నాథ్ క్షీరసాగర్ పై దాడి చేశారు.

ఈ విధంగా సాగర్ పై దాడి జరగడంతో అక్కడ ఉన్నటువంటి యువకుడు, కుర్రాడు పరుగులు తీశారు. అదేవిధంగా సాగర్ కూడా పరుగులు తీయడంతో అశోక్ అతనిని వెంబడించినట్లు వీడియోలో రికార్డయింది. ఈ సీసీ టీవీ పుటేజ్ ఆధారంగా పోలీసులు ఆకాష్ ను అరెస్టు చేశారు. పోలీసులు తెలిపిన వివరాల మేరకు…

క్షీరసాగర్, ఆకాష్… పక్కపక్క ఇళ్లలో ఉంటున్నారు. ఓ రోజు కొంతమంది యువకులు అందరూ కలిసి ఆకాష్ ను చితకబాదడంతో అతను అక్కడి నుంచి ఇళ్లను ఖాళీ చేసే సాగర్ పై పెంచుకొని ఈ విధంగా దాడికి ప్రయత్నించినట్లు పోలీసుల విచారణలో వెల్లడైంది. పథకం ప్రకారమే ఆదివారం మధ్యాహ్నం సాగర్ పై దాడికి ప్రయత్నించాడని, ఆ దాడిలో కింద పడిన సాగర్ ను బండరాయితో కొట్టి ఆకాష్ చంపినట్లు విచారణలో తేలింది. ప్రస్తుతం ఈ వీడియో సోషల్ మీడియాలో వైరల్ గా మారింది.