శివ సార్…!! మా అమ్మ నన్ను పని చేయనివ్వట్లే…!! ఇంట్లో మమ్మల్ని రియల్ మెన్ లా చూడట్లేదు..

కరోనా ఎఫక్ట్ తో ప్రపంచమంతా లాక్ డౌన్ జపం చేస్తోంది. పరిశ్రమలు, వ్యాపారాలు , సినిమా షూటింగ్లు అన్ని మూతపడ్డాయి… ఈ క్రమంలో షూటింగ్లు లేక సినీ ప్రముఖులంతా ఇంటికే పరిమితమయ్యారు. అయితే ప్రసుత్తం టాలీవుడ్ లో “బి ది రియల్ మెన్” ఛాలెంజ్ విపరీతంగా ట్రెండ్ అవుతుంది. దేనికి కారణం మన సినీతారలు అందరు అందులో పాల్గొనడమే.. లాక్ డౌన్ కారణంగా ఇంట్లో పనిమనిషులు రాకపోవడంతో… ఇంట్లోని ఆడవారికి సాయంగా ఉండటమే అసలైన మగతనం అంటూ అర్జున్ రెడ్డి డైరెక్టర్ సందీప్ వంగ మొదలుపెట్టిన ఈ ఛాలెంజ్ ఇప్పుడు టాలీవుడ్ మొత్తానికి పాకింది.

సందీప్ వంగ మొదటగా ఇంట్లోపని చేస్తూ ఒక వీడియో చేసి దర్శకధీరుడు రాజమౌళికి ఛాలెంజ్ విసిరాడు. సందీప్ వంగ విసిరిన ఛాలెంజ్ ను స్వీకరించిన రాజమోళి తన ఇంట్లో ఇల్లు శుభ్రం చేయడం, కడగడం వంటివి చేసి హీరోలు ఎన్టీఆర్, రామ్ చరణ్ ను నామినేట్ చేసాడు. ఆ వెంటనే ఎన్టీఆర్ కూడా ఇంట్లో పనులు చేస్తూ వీడియో చేసి సీనియర్లు చిరంజీవి, వెంకటేష్, నాగార్జున, కొరటాల శివ లను నామినేట్ చేసాడు. ఇదే క్రమంలో రామ్ చరణ్ కూడా తను ఇంట్లో పనులు చేస్తూ, కాఫీ పెట్టి ఉపాసనకు ఇచ్చి వీడియో పోస్ట్ చేసాడు..

ఈ సందర్భంగా ఎన్టీఆర్ డైరెక్టర్ కొరటాల శివను నామినేట్ చేయడంతో.. ఆయన కూడా వీడియో పోస్ట్ చేస్తూ.. రౌడీ విజయ్ దేవరకొండను నామినేట్ చేసాడు. దీనిపై స్పందించిన విజయ్ దేవరకొండ “శివ సార్… మా మమ్మి నన్ను పని చేయనివ్వట్లేదు. నేను చేస్తే పని డబుల్ అవుతుంది అని అంటుంది.. మమ్మల్ని ఇంట్లో రియల్ మెన్ లా చూడటంలేదు.. ఇంకా పిల్లలనే ట్రీట్ చేస్తున్నారు. అయినా సరే లాక్ డౌన్ సమయంలో నా రోజు ఎలా గడుస్తుందో తెలిపేలా ఒక చిన్న వీడియో చేసి పెడతాను” అంటూ ట్వీట్ చేసాడు విజయ్. ప్రస్తుతం విజయ్ నటిస్తున్న ఫైటర్ సినిమా షూటింగ్ లాక్ డౌన్ కారణంగా ఆగిపిన విషయం తెలిసిందే.. తర్వాత కొరటాల, విజయ్ కాంబినేషన్లో ఒక సినిమా ప్లాన్ చేస్తున్నట్టు సమాచారం..