అక్టోబర్ 2, 2021న సమంత, నాగ చైతన్య విడాకులు తీసుకుంటున్నట్లు.. తాము ఎవరి దారి వాళ్లు చూసుకుంటున్నట్లు సోషల్ మీడియా వేదికగా ఇద్దరూ ప్రకటించారు. దీంతో అభిమానులు ఒక్కసారిగా షాక్ అయ్యారు. అయితే కారణం మాత్రం వాళ్లు చెప్పలేదు. దానికి ఇవే కారణాలు అంటూ సోషల్ మీడియా వేదికగా చాలామంది వివిధ రకాలుగా కామెంట్లు చేశారు.

అయితే అందులో ఎక్కువగా ఫ్యామిలీ మెన్ సినిమాలో సమంత పాత్ర చైతూకు అస్సలు ఇష్టం లేదట. ఆ పాత్ర చేయొద్దని చెప్పినా ఆమె వినిపించుకోకుండా ఆ పాత్రలో నటించింది. దీంతో ఇద్దరి మధ్య మనస్పర్థలు వచ్చాయనేది బలంగా వినిపిస్తున్న టాక్. ఎన్నో విబేధాలకు కారణం అయిన ఫ్యామిలీ మ్యాన్ 2 వెబ్ సిరీస్ లో నటించినందుకు గానూ సమంతాకు ఉత్తమ నటి అవార్డు వరించింది.

దీంతో సమంత ఆనందానికి అవధులు లేకుండా పోయాయి. ఈ సినిమాలో ఆమె రాజీ అనే పాత్రలో జీవించేసింది. యాక్షన్ సన్నివేశాల్లో సమంత నటన అద్భుతమనే చెప్పాలి. సమంత అభిమానులు అంతక ముందు ఎప్పుడూ చూడని విధంగా అందులో నటించింది. దీంతో ఆమెకు ఉత్తమ నటిగా ఫిల్మ్‌ఫేర్ ఓటిటి అవార్డు ద‌క్కింది. ఈ అవార్డును సమంత వేడుకలో పాల్గొని అందుకున్నారు.

అంతే కాదు ఆమెకు.. తెలుగుతో పాటు.. హాలీవుడ్ లో కూడా ఆఫర్లు వస్తున్నాయి. అరేంజ్ మెంట్స్ ఆఫ్ లవ్, యశోద అనే రెండు పానిండియా సినిమాల్లో నటిస్తుంది. దీంతో సమంత వ్యక్తిగత జీవితానికి దూరంగా ఉన్నా.. వృత్తి పరంగా మాత్రం దూసుకెళ్తున్నారు. ఆ విడాకుల బాధ నుంచి తట్టుకోవడానికి ఆమె ఎక్కువగా సినిమాలను ఒప్పుకున్నట్లు కూడా కొన్ని సందర్భాల్లో చెప్పారు.