Samyuktha Menon: సంయుక్త మీనన్ గొప్ప మనసు… కాలేజీ విద్యార్థులకు అలాంటి సహాయం చేసిన నటి!

Samyuktha Menon: భీమ్లా నాయక్ సినిమా ద్వారా టాలీవుడ్ ఇండస్ట్రీలో అడుగుపెట్టి బింబిసారా, సార్ వంటి సినిమాలలో హీరోయిన్ గా నటించి వరుస విజయాలు అందుకుంటున్న సంయుక్త మీనన్ తాజాగా విరూపాక్ష సినిమా ద్వారా మరొక హిట్ తన ఖాతాలో వేసుకుంది. కార్తీక్ దండు దర్శకత్వంలో సాయిధరమ్ తేజ్ హీరోగా నటించిన ఈ సినిమాలో సంయుక్త మీనన్ హీరోయిన్గా నటించింది.

ఇక ఈ సినిమాలో సంయుక్త తన అందం, అభినయంతో ప్రేక్షకులను మరింత ఆకట్టుకుంది. ఇదిలా ఉండగా ఇలా హీరోయిన్ గా మాత్రమే కాకుండా తన మంచి మనసుతో సంయుక్త ప్రేక్షకులకు మరింత దగ్గరయింది. విరూపాక్ష సినిమా ప్రమోషన్స్ లో భాగంగా ఒక టీవీ షోలో పాల్గొన్న సంయుక్త చేసిన పనికి నెటిజన్లు ఆమె మీద ప్రశంసలు కురిపిస్తున్నారు.

అసలు విషయం ఏమిటంటే.. విరూపాక్ష సినిమా ప్రమోషన్స్ లో భాగంగా ఒక టీవీ షోలో పాల్గొన్న సంయుక్త మీనన్ ఒక స్కూటీని గెలుచుకుంది. అయితే, ఆ స్కూటీ తనకు వద్దని ఎవరికైనా బహుమతిగా ఇస్తానని సంయుక్త తెలిపింది. ఈ క్రమంలో రెండు బస్సులు మారి కాలేజీకి వెళ్లే వారిని చేతులెత్తమని చెప్పింది. ఆ తర్వాత వారిలో సింగిల్ పేరెంటు ఉన్న ఇద్దరు అమ్మాయిలను ఎంచుకొని వారిలో ఒకరికి తాను గెల్చుకున్న సూటీని గిఫ్ట్‌గా ఇచ్చింది. మరొక అమ్మాయికి తన సొంత డబ్బుతో కొత్త స్కూటీ కొనిస్తానని సంయుక్త మాటిచ్చింది.

Samyuktha Menon: బ్యూటీ విత్ గోల్డెన్ హాట్…

సంయుక్త ఇలా చెప్పడంతో ఆ అమ్మాయిలు ఇద్దరు సంయుక్తని హత్తుకొని ధన్యవాదాలు తెలిపారు. ప్రస్తుతం దీనికి సంబంధించిన వీడియో సోషల్ మీడియాలో వైరల్‌గా మారింది. ఈ వీడియో చూసిన నెటిజన్లు సంయుక్త మంచి మనసు గురించి గొప్పగా కొనియాడుతున్నారు. ‘బ్యూటీ విత్‌ గోల్డెన్‌ హార్ట్‌’ అంటూ కామెంట్ల వర్షం కురిపిస్తున్నారు.ఇలా ఇద్దరు యువతులకు సంయుక్త సహాయం చేయడమే కాకుండా తనకి హిట్ ఇచ్చిన దర్శకుడు కార్తీక్ కి కూడా ఐఫోన్ ఇస్తూ సర్ప్రైజ్ చేసింది.