Samyuktha Menon: భీమ్లా నాయక్ సినిమా ద్వారా టాలీవుడ్ ఇండస్ట్రీలో అడుగుపెట్టిన మలయాళీ ముద్దుగుమ్మ సంయుక్త మీనన్. భీమ్లా నాయక్ సినిమాలో రానాకి జోడిగా నటించి తన నటనతో ప్రేక్షకులను ఆకట్టుకున్న సంయుక్త తెలుగులో నటించిన మొదటి సినిమాతో మంచి హిట్ అందుకుంది. ఆ తర్వాత బింబిసారా, సార్ వంటి చిత్రాలలో హీరోయిన్గా నటించి హిట్ కొట్టింది.
ఇక ఇటీవల విడుదలైన విరూపాక్ష సినిమా ద్వారా కూడా సంయుక్త అకౌంట్లో మరొక హిట్ వచ్చి చేరింది. ఇలా వరుసహిట్లతో దూసుకుపోతున్న ఈ అమ్మడికి టాలీవుడ్లో అవకాశాలు వరుస కడుతున్నాయి.
ఈ క్రమంలో తన రెమ్యూనరేషన్ కూడా పెంచేసినట్లు ఇండస్ట్రీలో వార్తలు వైరల్ అవుతున్నాయి. ఇంతకుముందు ఒక్కో సినిమాకు దాదాపు రూ. 50 లక్షల వరకు రెమ్యునరేషన్ తీసుకున్న సంయుక్త.. ఇప్పుడు రెమ్యునరేషన్ భారీగా పెంచేసినట్లు తెలుస్తోంది.
విరూపాక్ష సినిమా హిట్ కొట్టడంతో ఆ తర్వాత కొత్త ప్రాజెక్టులకు ఏకంగా కోటన్నర రూపాయిల రెమ్యునరేషన్ డిమాండ్ చేస్తున్నట్లు సమాచారం. అయితే ఈ అమ్మడు ఒక్కసారిగా కోటి రూపాయలు పెంచడంతో నిర్మాతలు ఈమె ఉంటే సినిమా హిట్ అవుతుందని భావిస్తున్నారు కనుక ఈమె అడిగిన మొత్తంలో రెమ్యూనరేషన్ ఇవ్వడానికి కూడా వెనకాడటం లేదని తెలుస్తుంది.
Samyuktha Menon: మరోసారి కళ్యాణ్ రామ్ కి జోడీగా…
ఇదిలా ఉండగా కళ్యాణ్ రామ్ సరసనలో నటించి హిట్ అందుకున్న సంయుక్త ప్రస్తుతం కళ్యాణ్ రామ్ తో కలిసి మరొకసారి జోడి కట్టింది. ప్రస్తుతం వీరిద్దరూ ‘ డెవిల్ ‘ అనే సినిమాలో జంటగా నటిస్తున్నారు. అంతే కాకుండా విరూపాక్ష సినిమా మంచి హిట్ అందుకోవటంతో ఈ సినిమాతోపాటు మరికొన్ని సినిమా అవకాశాలు కూడా వస్తున్నాయని తెలుస్తుంది.