ఐదు ఫ్లోర్ల మేర అంతస్థులో అక్వేరియం.. అబుదాబిలో నిర్మాణం..!

మనం ఎక్కువగా చిన్న చిన్న అక్వేరియంలను చూస్తూ ఉంటాం. అందులో చేపలను తదితర వాటిని చూస్తూ ఉంటే భలే అనిపిస్తుంది. అయితే ప్రపంచంలోనే అతి పెద్ద అక్వేరియం యూఏఈలోని ఉంది. దీనిని సీ వరల్డ్ అబుదాబి అంటారు. 1,83,000 స్క్వేర్ మీటర్ల మేర ఈ అతి పెద్ద అక్వేరియం వ్యాపించి ఉంది. అందుకే దీన్ని మెరైన్ థీమ్ పార్కుల్లో అత్యద్భుతమైనదిగా చెప్పుకోవచ్చు. ప్రపంచంలోనే అతి పెద్దది, అత్యంత ఖరీదైన మెరైన్ అక్వేరియం ఇది. సీ వరల్డ్ పార్క్స్ అండ్ ఎంటర్‌టైన్మెంట్, అబుదాబి మిరాల్ సంస్థలు కలిసి ఈ ‘సీ వరల్డ్ అబుదాబి’ని నిర్మించాయి.

సీ వరల్డ్ అబుదాబి నిర్మాణం 64 శాతం పూర్తయిందని మిరల్ సంస్థ వెల్లడించింది . యాస్ ద్వీపంలోని సముద్ర-లైఫ్ థీమ్ పార్కు అయిన సీ వరల్డ్ అబుదాబి నిర్మాణం 64 శాతం పూర్తయిందని.. 2022 లో పూర్తిగా నిర్మాణం పూర్తి అవుతుందని వెల్లడించింది. సీ వరల్డ్ అబుదాబి 25 మిలియన్ లీటర్ల నీటితో ప్రపంచంలోనే అతి పెద్ద అక్వేరియంగా నిలవనుంది.

సీ వరల్డ్ అబుదాబి యొక్క విస్తారమైన అక్వేరియంలో సొరచేపలు, చేపలు, మంట కిరణాలు మరియు సముద్ర తాబేళ్లు వంటి 68,000 కంటే ఎక్కువ సముద్ర జంతువులు ఉంటాయి. ఇరవై మీటర్ల ఎత్తులో ఉండే వర్టికల్ విండో ద్వారా అద్భుతమైన జలచరాల జీవితాన్ని నేరుగా చూసే వీలు ఇందులో కలుగుతుంది. మెరైన్ లైఫ్ పార్క్ తో పాటు సీవరల్డ్ రీసర్చ్, రెస్క్యూ సెంటర్ కూడా నిర్మిస్తున్నారు. దీనిలో భాగంగా ప్రపంచ స్థాయి ఏర్పాటు కూడా చేస్తున్నారు.

జలచరాలను కాపాడేందుకు ఇది సహాయపడనుంది. ఇలాంటి మెరైన్ రెస్క్యూ, రీసెర్చ్, రీహాబిలిటేషన్ అండ్ రిటర్న్ సెంటర్ ఉన్న ఈ అక్వేరియం.. యూఏఈలోనే మొదటిది. ఈ సదుపాయం స్వదేశీ గల్ఫ్ మరియు సముద్ర జీవ పర్యావరణ వ్యవస్థలపై దృష్టి పెడుతుంది. యూఏఈలో ప్రారంభమైన మొట్టమొదటి రీసెర్చ్ సెంటర్ ఇదే. యస్ ఐల్యాండ్‌లో ఉన్న అద్భుతమైన టూరిస్ట్ అట్రాక్షన్స్‌కి ఇది తోడై.. గ్లోబల్ టూరిజం డెస్టినేషన్‌గా దాన్ని మారుస్తుందని మేం భావిస్తున్నాం అని ఈ సంస్థ సీఈఓ మొహమ్మద్ అబ్దుల్లా అల్ జాబీ అన్నారు.