Senior Actor Jhansi : అసలు మోహన్ బాబుకి అంత మార్కెట్ లేదు… ఆయన కూడా కోటి డిమాండ్ చేసాడు… సుమన్ సినిమా వల్ల ఆస్తులన్నీ పోయి రోడ్డు మీదకి వచ్చేసా…: సీనియర్ నటి ఝాన్సీ

Senior Actor Jhansi : ఎన్నో సినిమాల్లో క్యారెక్టర్ ఆర్టిస్ట్ గా అలరించిన అలనాటి నటి ఝాన్సీ. బాపు గారి సినిమాల్లో ఎక్కువగా కనిపించిన ఝాన్సీ గారు తల్లి పాత్రలతో ఎక్కువగా మెప్పించారు. ఎక్కువగా ఎన్టీఆర్ గారితోనూ, ఏఎన్ఆర్ తోనూ అప్పటి అగ్ర హీరోలందరితోనూ ఎన్నో సినీమాల్లో నటించిన ఆమె ఈ తరం వారికి గుర్తు రావాలంటే మాత్రం మనవూరి పాండవులు, పెళ్లి పుస్తకం, శంకరాభరణం వంటి సినిమాల్లో నటించిన ఝాన్సీ గారిని చూడాలి. ఎన్నో సినిమాల్లో నటించినా ఆర్థికంగా బాగా సంపాదించుకున్నా నేడు ఒక చిన్నగదిలో కాలం వెళ్ళదీస్తున్నారు ఝాన్సీ. అప్పట్లో అగ్ర నటులతో పనిచేసిన ఝాన్సీ గారు అప్పటి అనుభవాలను, తన ఆస్తులన్నీ పొవడానికి గల కారణాలను పంచుకున్నారు.

ఆ సినిమాతో మొత్తం ఆస్తులు పోయాయి…

కొన్ని వందల సినిమాల్లో నటించిన ఝాన్సీ గారు ఆస్తులను బాగా సంపాదించారు. సినిమాలకు ఫైనాన్స్ చేస్తూ మరో వైపు సినిమాల్లో నటిస్తూ బాగానే సంపాదించిన ఝాన్సీ గారు ఎవరైనా సినిమాల్లో ఇన్వెస్ట్మెంట్ చేస్తానంటే సినిమాల్లో పెట్టకండి అని సలహాలు ఇచ్చేవారట. అలాంటి ఝాన్సీ గారే ఒక దశలో సినిమా నిర్మాణంలోకి అడుగుపెట్టారు. ‘ఖైదీ ఇన్స్పెక్టర్’ అనే సినిమాను తీసి బాగా నష్టపోయారు. సుమన్ హీరోగా వచ్చిన ఆ సినిమా హిట్ అయినా చేతికి డబ్బులు రాలేదని చెప్పారు.

ఇక ఆ సినిమా కోసం మొదట మోహన్ బాబు గారిని హీరోగా అనుకుంటే మోహన్ బాబు ముందు సినిమాకు 90 లక్షలు తీసుకున్నాను ఈ సినిమాకు కోటి ఇవ్వండి అని అడిగారట. అయితే అప్పటికి మోహన్ బాబు కి కోటి మార్కెట్ లేదని వద్దనుకున్నారట. ఇక ఖైదీ ఇన్స్పెక్టర్ సినిమాను సుమన్ హీరోగా తీయగా అప్పటికి సుమ మార్కెట్ కోటిన్నర దాకా ఉంది. కానీ సినిమా హిట్ అయినా మాకు లాభాలు ఇవ్వలేదు అలా రోడ్డున పడ్డాను అంటూ వివరించారు.