Maharshi Raghava: సీనియర్ నటుడు మహర్షి ఇంట విషాదం… సంతాపం తెలియజేసిన సినీ ప్రముఖులు!

Maharshi Raghava: టాలీవుడ్ సీనియర్ నటుడు మహర్షి రాఘవ ఇంట విషాదం చోటుచేసుకుంది. ఎన్నో సినిమాలలో నటించి నటుడిగా ఎంతో మంచి గుర్తింపు పొందారు. ఇలా పలు చిత్రాల ద్వారా ఎంతో మంచి గుర్తింపు సంపాదించుకున్న నటుడు మహర్షి రాఘవ తల్లి గోగినేని కమలమ్మ బుధవారం మధ్యాహ్నం కన్నుమూశారు.

అనారోగ్య కారణంగా కమలమ్మ బుధవారం మధ్యాహ్నం మృతి చెందారు. ఈమెకు ఇద్దరు కుమారులు పెద్ద కుమారుడు రాఘవ సినీ ఇండస్ట్రీలో నటుడిగా గుర్తింపు సంపాదించుకున్నాడు. చిన్న కుమారుడు వెంకట్ ఆయన అమెరికాలో స్థిరపడ్డారు.

బుధవారం మధ్యాహ్నం మృతి చెందిన కమలమ్మ అంత్యక్రియలు నేడు మధ్యాహ్నం జూబ్లీహిల్స్ మహాప్రస్థానంలో జరగనున్నాయి. ఇక ఈమె మరణ వార్త తెలుసుకున్న పలువురు సినీ ప్రముఖులు రాఘవ తల్లి మృతికి సంతాపం తెలియజేస్తున్నారు.

సినిమా పేరు ఇంటిపేరుగా…

సీనియర్ డైరెక్టర్ వంశీ రూపొందించిన మహర్షి సినిమా ద్వారా ఎంతో మంచి గుర్తింపు సంపాదించుకున్న నటుడు రాఘవ ఆ సినిమా పేరునే ఇంటి పేరుగా మార్చుకున్నారు.ఇలా ఈ చిత్రంతో మంచి గుర్తింపు సంపాదించుకున్న ఈయన వరుస సినిమాల్లో నటించారు. ఇలా సుమారు 150 చిత్రాల్లో నటించి నటుడిగా మంచి గుర్తింపు పొందారు. వెండి తెరపై మాత్రమే కాకుండా బుల్లితెరపై పలు సీరియల్స్ లో కూడా నటిస్తున్నారు.