Senior Actor Manobala : చిరంజీవి గారు అన్నమాటకు షాక్ అయ్యాను : సీనియర్ నటుడు మనోబాల

Senior Actor Manobala : తమిళ సినిమాలలో కమెడియన్ గాను క్యారెక్టర్ ఆర్టిస్ట్ గాను సుపరిచితులైన మనోబాల గారు తెలుగులో చాలా తక్కువగా సినిమాలను చేసారు. కానీ తెలుగు ప్రేక్షకులకు మాత్రం బాగా తెలుసు. తమిల సినిమాల ద్వారా తెలుగు ప్రేక్షకులకు దగ్గరైన ఆయన తమిళంలో అసిస్టెంట్ డైరెక్టర్ గా ఆయన కెరీర్ ను ప్రారంభించారు. కమల్ హాసన్ రిఫరెన్స్ తో బాలచంధర్ గారి దగ్గర అసిస్టెంట్ డైరెక్టర్ గా చేరిన ఆయన సినిమాల్లో కమెడియన్ గా గుర్తింపు పొందారు. ఇటీవల చిరంజీవి గారితో కలిసి ఒక సినిమాలో కలిసి నటిస్తున్నారు. ఇక చిరంజీవి గారితో ఆయన అనుభవాలను తాజాగా ఒక ఇంటర్వ్యూలో పంచుకున్నారు మనోబాల.

అలా మెగాస్టార్ అనేసరికి షాక్ అయ్యాను…

పున్నమినాగు సినిమాలో నటించిన మనోబాల గారు మళ్ళీ మధ్యలో కొన్ని తెలుగు సినిమాలలో నటించినా ప్రస్తుతం చిరంజీవి గారి సినిమాలో నటిస్తున్నారు. చిరంజీవి గారితో సినిమా అవ్వడంతో అలనాటి హీరోయిన్ సుహాసిని మణిరత్నం స్వయంగా చిరుకి ఫోన్ చేసి మనోబాలను బాగా చూసుకోమని చెప్పారట. దానికి చిరు నాకు తెలుసు పెట్టెయ్ అని చెప్పి షూటింగ్ లో కొన్ని సీన్స్ అయ్యాక చాలా బాగా చేస్తున్నారు ఈ సినిమా తరువాత చూడండి మన కాంబినేషన్ మళ్ళీ రిపీట్ అవుతుంది, ఇక తెలుగులో మీరు చాలా సినిమాలను చేస్తారు అంటూ చెప్పారట.

ఇప్పటికీ ఆయనలో అంతే ఎనర్జీ ఉంది అలాగే ఉన్నారు అంటూ చిరంజీవి గారి గురించి చెబుతూ ఆయన అలా అనే సరికి షాక్ అయ్యాను. అంతటి సూపర్ స్టార్ అలా నన్ను మాట్లాడేసరికి చాలా హ్యాపీగా అనిపించింది అంటూ చెప్పారు. ఇక సెట్ లో ప్రతి ఒక్కరు చాలా మర్యాదగా మాట్లాడుతూ జాగర్తగా చూసుకున్నారని తెలుగు ఇండస్ట్రీ మర్యాద ఇవ్వడంలో సూపర్ అంటూ చెప్పారు. ఆయన నటించిన ఏ భాష చిత్రమైనా ఆయనే డబ్బింగ్ చెప్పుకుంటారు మనోబాల.