20 ఏళ్ల కుర్రాడికి.. 60 ఏళ్ల భార్య.. ఆకట్టుకున్న సావిత్రి w/o సత్యమూర్తి ఫస్ట్ లుక్ పోస్టర్?

ప్రస్తుతకాలంలో ప్రేక్షకుల అభిరుచులలో ఎన్నో మార్పులు చోటు చేసుకున్నాయి. ఈ క్రమంలోనే స్టార్ హీరో హీరోయిన్ల సినిమాలలో ఏ మాత్రం కథలో ఏమాత్రం వినోదం లేకపోయినా.. చిన్న సినిమాలలో వైవిధ్యభరితమైన పాత్రలు ఉంటే చిన్న సినిమాలకు మాత్రమే ప్రేక్షకులు ఓటు వేస్తున్నారు. ఈ క్రమంలోనే ప్రేక్షకుల ఆలోచనా ధోరణిని గుర్తుపెట్టుకొని దర్శకుడు చైతన్య కొండ ఎంతో వైవిధ్యమైన కాన్సెప్ట్‎తో సావిత్రి w/o సత్యమూర్తి అనే సినిమాను రూపొందిస్తున్నారు.

ఈ సినిమాలో 20 సంవత్సరాల భర్తకు 60 సంవత్సరాల భార్య ఉంటుంది. ఎంతో వైవిధ్యమైన ఈ కాన్సెప్ట్ లో హీరో పాత్రలో కేరింత ఫేమ్ పార్వతీశం నటించగా హీరోయిన్ పాత్రలో కమెడియన్, సీనియర్ నటి శ్రీలక్ష్మి నటిస్తున్నారు. ఎంతో వైవిధ్యభరితమైన కాన్సెప్ట్ తో తెరకెక్కిస్తున్న ఈ సినిమాను ఏ1 క్రియేషన్స్ బ్యానర్ పై నరేంద్ర నిర్మిస్తున్నారు.

తాజాగా ఈ సినిమాకి సంబంధించిన ఫస్ట్ లుక్ పోస్టర్ ను చిత్ర బృందం విడుదల చేసింది.ఈ క్రమంలోనే ఈ పోస్టర్ సోషల్ మీడియాలో వైరల్ గా మారిన ఎంతోమంది నెటిజన్లను ఆశ్చర్యానికి గురి చేసింది.ఈ క్రమంలోనే 20 ఏళ్ల భర్తకు 60 ఏళ్ల భార్య ఇదెలా సాధ్యం.. అంటూ పలువురు నెటిజన్లు ఆశ్చర్యం వ్యక్తం చేస్తున్నారు.

విభిన్నమైన కథాంశంతో తెరకెక్కుతోన్న . ‘సావిత్రి w/o సత్యమూర్తి’సినిమా అన్ని రకాల ప్రేక్షకులను ఎంతో ఎంటర్టైన్ చేస్తుందని ఖచ్చితంగా ఈ సినిమా ప్రతి ఒక్క ప్రేక్షకుడికి నచ్చుతుందని చిత్రబృందం ఆశాభావం వ్యక్తం చేశారు.ఇప్పటికే సినిమా షూటింగ్ పూర్తి చేసుకున్న ఈ చిత్రం త్వరలోనే ప్రేక్షకుల ముందుకు రాబోతుందని ఈ సందర్భంగా చిత్ర బృందం తెలిపారు.