Senior Artist Kavitha : పదకొండేళ్ళకే సినిమా ఇండస్ట్రీలోకి అడుగుపెట్టి హీరోయిన్ గాను అలాగే సపోర్టింగ్ రోల్స్ చేస్తూ ఇటు రాజకీయాల్లోను ఉన్న కవిత గారు తన సినిమా కెరీర్ లో ఎదుర్కొన్న ఎన్నో అనుభవాలను పంచుకున్నారు. కవిత గారు తమిళ ఇండస్ట్రీలో మొదలు పెట్టి తెలుగులోను చైల్డ్ ఆర్టిస్ట్ గా చేసి ఆ తరువాత హీరోయిన్ గా అడుగుపెట్టారు. చిరంజీవి, కృష్ణ ఎన్టీఆర్ ఇలా అందరు హీరోలతో చేసిన కవిత గారు కెరీర్ మంచి పీక్స్ లో ఉన్న సమయంలో సినిమాలకు గుడ్ బై చెప్పేసారు. ఇక తను నటించే సమయానికి ఇండస్ట్రీ వాతావరణం గురించి తాజాగా యూట్యూబ్ లో ఇచ్చిన ఇంటర్వ్యూలో పంచుకున్నారు.

భర్త, కొడుకు మరణం భరించలేకపోయాను…

కరోనా సమయంలో అందరి జీవితాల్లోనూ విషాదం మిగిల్చింది. అయితే నటి కవిత గారికి మాత్రం కోలుకోలేని దెబ్బలు కొట్టింది. ఒక వైపు కన్న కొడుకు మరణం. అది మరిచే లోపే భర్త మరణం ఆమెను కృంగదీసాయి. ఈ విషయం గురించి ఇంటర్వ్యూలో మాట్లాడుతూ ఎమోషనల్ అయ్యారు కవిత. తన భర్త లాంటి వాడు ఇంకెవరూ ఉండలేరని, డబ్బు మాత్రమే మనిషికి సంతోషాన్నివ్వదు, నన్ను మా ఆయన చాలా బాగా చూసుకున్నారు, ఒక మహారాణిలాగా చూసుకున్నారు అంటూ చెప్పారు. ఇక తన కొడుకు స్పెషల్ కిడ్ అయినా కూడా అన్నింటికీ నేనే వెళ్లి చూసుకున్నాను.

ఇండస్ట్రీలో కూడా నా కొడుకు అంటే చాలా ఇష్టం అంటూ మాట్లాడారు. విజయ నిర్మల గారు నా కొడుకు మాటలను బాగా ఎంజాయ్ చేస్తారు అలాంటి బిడ్డని కరోనాలో కోల్పోయాను, తనని పోగొట్టుకున్న పది రోజులకి భర్త చనిపోవడంతో భరించలేక పోయాను. దాంతో మూడు సార్లు ఆత్మహత్య చేసుకోవాలని ప్రయత్నించాను. అయితే పక్కింటి ఆవిడ వచ్చి నా ఇద్దరు కూతూర్లను చూపించి నువ్వు చచ్చిపోతే నీ బిడ్డ, భర్త దగ్గరకి వెళ్తావు ఈ ఇద్దరి పరిస్థితి ఏమిటి అంటూ చెప్పడంతో ఇక నా పిల్లలను చూసుకోవాలని వాళ్ళ కోసం బ్రతుకుతున్నా అంటూ చెప్పారు కవిత.