Serial artist Maheswari : నా ఫ్యామిలీ బ్యాక్ గ్రౌండ్ ఏమిటంటే… పుట్టినరోజు నాడు నన్ను తిట్టారు… నన్ను చూస్తే కోపం…: సీరియల్ నటి మహేశ్వరి

Serial artist Maheswari : సినిమాల కంటే సీరియల్స్ ప్రభావం జనాల మీద ఎక్కువ. ఒకప్పుడు వీక్లీ సీరియల్స్ వచ్చేవి కానీ ఇప్పుడు శనివారం కూడా వదలకుండా డైలీ సీరియల్స్ వస్తున్నాయి. అంతల లా సీరియల్స్ కి మన ఇళ్లలో క్రేజ్ ఉందన్నమాట. ఒక్కపుడు సినిమాల్లో మంచి ఆర్టిస్టులుగా ఉన్న వాళ్ళు కూడా ప్రస్తుతం బుల్లితెర మీద రంగేసుకుని సీరియల్స్ లోకి వచ్చేస్తున్నారు. అలాంటి సీరియల్స్ లో ఇక లేడీ విలన్ పాత్రలకు మరింత పాపులరిటీ ఉంది. అలా జీ తెలుగులో ప్రేమ ఎంత మధురం, రాధమ్మ కూతురు సీరియల్స్ లో విలన్ గా నటిస్తున్న మహేశ్వరి తన పర్సనల్ అలాగే ప్రొఫెషనల్ లైఫ్ గురించి తాజాగా ఒక ఇంటర్వ్యూలో మాట్లాడారు.

బయట బాగా తిడుతున్నారు…

మహేశ్వరి అనగానే సీరియల్ ప్రేక్షకులకు గుర్తు రాదు కానీ శృతి అంటే బాగా గుర్తొస్తుంది. రాధమ్మ కూతురు సీరియల్ శృతి అనగానే అందరికీ తెలుస్తుంది. అంతలా తన క్యారెక్టర్ తో అందరికీ చేరువైన మహేశ్వరిది గుంటూరు కాగా మొదట నా కోడలు బంగారం సీరియల్ కోసం ఆడిషన్స్ లో సెలెక్ట్ అయి సీరియల్స్ లో జర్ని స్టార్ట్ చేసిందట. ఇక ఆపైన రాధమ్మ కూతురు, ఇప్పుడు ప్రేమ ఎంత మధురం సీరియల్స్ తో పాపులర్ అయింది.

దాదాపుగా ఐదేళ్లుగా జీ తెలుగు సీరియల్స్ లో బిజీగా ఉన్న మహేశ్వరిని బయట అందరూ శృతి, మాన్సీ అనే పిలుస్తున్నారట. కొంతమంది అయితే బాగా తిడుతున్నారు అంటూ చెప్తోంది. ఇక రీసెంట్ గా తన పుట్టినరోజు నాడు అందరూ విష్ చేస్తే కొంత మంది మాత్రం తిట్టారని అయితే వాళ్ళు తిడుతున్నారంటే నా క్యారెక్టర్ బాగా వెళ్లినట్లే కదా అని హ్యాపీగా ఫీల్ అవుతుంటాను అంటూ మహేశ్వరి చెబుతోంది.