హైపర్ ఆది టీంమేట్స్ ఇద్దరు వ్యభిచార కేసులో అరెస్ట్…

మంగళవారం రాత్రి విశాఖపట్నంలో ఓక వ్యభిచార గృహం పై దాడి చేసిన పోలీసులు ఇద్దరు జబర్దస్త్ కమెడియన్స్ దొరబాబు, పరదేశి పట్టుబడ్డారు. మాధవధార లోని ఒక అపార్ట్మెంట్ లో వ్యభిచారం జరుగుతోందన్న పక్క సమాచారంతో టాస్క్ ఫోర్స్ పోలీసులు దాడి చేసారు. ఇందులో ఒక మహిళతో పాటుగా నాలుగు విటులను, ఇద్దరు వ్యభిచార గృహ నిర్వాహకులను అరెస్ట్ చేసారు… వీరిపై కేసునమోదు చేసిన పోలీసులు, ఎయిర్ పోర్టు పోలీస్టేషన్ లో వారిని విచారిస్తున్నారు.

అయితే మాధవధారలోని ఒక ఇంట్లో గత కొద్దిరోజులుగా వ్యభిచారం జరుగుతున్నట్టు గుర్తించిన పోలీసులు మంగళవారం రాత్రి ఒక్కసారిగా దాడిచేశారు.. ఈదాడిలో దొరికిన వారిలో జబర్దస్త్ షోకు చెందిన వారు ఉండటం గమనార్హం. హైపర్ ఆది టీమ్ లో ముఖ్య సభ్యులుగా ఉన్న దొరబాబు, పరదేశి వీరిద్దరు దొరికిన వారిలో ఉండటం చర్చనీయాంశమైంది. అంతేకాదు వీరిద్దరితోపాటుగా దొరికిన మరో ఇద్దరు ఎవరనేది తెలియాల్సిఉంది.

గత కొద్దిరోజులుగా విశాఖలో ఈ వ్యభిచార దందా సాగుతుంది. దీనిపై టాస్క్ ఫోర్స్ పోలీసులు ప్రత్యేక ద్రుష్టి పెట్టారు. వీరిపై ఎప్పటికప్పుడు రైడ్స్ చేస్తున్నా… ఎదో ఒక మూల అపార్ట్ మెంట్ లను వేదికగా చేసుకుని ఈ అసాంఘిక కార్యక్రమాలు నిర్వహిస్తున్నారు. అయితే ఇప్పుడు ఇందులో జబర్దస్త్ నటులు దొరకడంతో సంచలనంగా మారిపోయింది.