Singer Chinmayi సింగర్ చిన్మయి మరోసారి వార్తల్లో వ్యక్తిగా నిలిచారు. తాజాగా డైరెక్టర్ సుధా కొంగరకు మద్దతుగా సోషల్ మీడియాలో పోస్ట్ చేసిన వ్యాఖ్యలు వైరల్ అవుతున్నాయి. ఎప్పుడూ స్త్రీ హక్కుల గురించి మాట్లాడే చిన్మయి మరో సారి ఇలాగే స్త్రీలకు మద్దతుగా నిలిచారు.
గతంలో కూడా ఇండస్ట్రీలో కాస్టింగ్ కౌచ్ గురించి మాట్లాడి వార్తల్లో నిలిచారు. తమిళ సినీ ఇండస్ట్రీలోని పలువురు ప్రముఖులపై ఆరోపణలు కూడా చేశారు. ఇటీవల సమంత విడాకుల వ్యవహారంలో కూడా సమంతకు మద్దతుగా నిలిచారు. డైరెక్టర్ సుధా కొంగర మనందరికి తెలిసిన వ్యక్తే. ఆకాశమే నీ హద్దురా, గురు సినిమాలకు డైరెక్టర్గా పనిచేశారు.
ఇదిలా ఉంటే ఇటవల తను పలు ఆసక్తికర వ్యాఖ్యలు చేసింది. నేను ఏ మీటింగ్ వెళ్లినా.. మీ భర్త చాలా గొప్పవారు ..మీకు నచ్చిన పని చేయనిస్తున్నారంటూ పలువురు అనేవారని…అలాంటి వారితో నేను గొడవకు దిగుతుంటాను. ఈ పని చేయడానికి నాకు ఎవరూ పర్మిషన్ గానీ అంగీకారాన్ని గానీ ఇవ్వలేదు.. నాకు నచ్చింది.. నేను చేస్తున్నాను అని సుధా కొంగర చెబుతుంటారట.
నెటిజన్ల నుంచి పెద్ద ఎత్తున ప్రశంసలు …
ప్రస్తుతం ఇవే వ్యాఖ్యలకు మద్దతుగా సింగర్ చిన్మయి సెటైరికల్ గా పలు వ్యాఖ్యలు చేశారు. స్త్రీల హక్కులు, వివక్ష ఎదురైనప్పుడు వెంటనే స్పందిస్తుంటారు చిన్మయి. తాజాగా చిన్మయి.. సుధా కొంగర వ్యాఖ్యలకు తన మరికొన్ని వ్యాఖ్యలను జోడించి మీరీ కౌంటర్ వేశారు. ‘‘సినిమా దర్శకులు, నటులు, సంగీత దర్శకులు, క్రియేటర్స్, లాయర్స్, డాక్టర్స్, పొలిటీషియన్స్ భార్యలు నిజంగానే గ్రేట్’’.. మీరు మీ భర్తలకు పని చేసుకునే స్వేచ్చను, పర్మిషన్‌ను ఇచ్చారు అంటూ సెటైర్లు వేశారు. చిన్మయి చేసిన ఈ పోస్ట్ కు నెటిజన్ల నుంచి పెద్ద ఎత్తున ప్రశంసలు లభిస్తున్నాయి. మహిళలు చేసే పనిని కూడా గుర్తించాలని నెటిజెన్లు కామెంట్లు పెడుతున్నారు.