SIR Movie: పూజా కార్యక్రమాలతో మొదలైన ‘సర్’మూవీ..ఆ నేపథ్యంలో తెరకెక్కుతున్న చిత్రం..!

SIR Movie: వెంకీ అట్లూరి దర్శకత్వంలో ధనుష్ ద్విభాషా చిత్రం తెలుగులో సర్ అనే టైటిల్ ను ఖరారు చేయగా.. తమిళంలో ‘వాతి’ అనే పేరుతో వస్తోంది. దీనికి సంబంధించి హైదరాబాద్‌లో అధికారిక పూజా కార్యక్రమాలు ప్రారంభమయ్యాయి.

ఈ షూటింగ్ లో మాటల మాంత్రికుడు త్రివిక్రమ్ శ్రీనివాస్ మొదటి క్లాప్ కొట్టాడు. దీంతో షూటింగ్ కంటిన్యూ అయింది. దీనిలో హీరోగా ధనూష్ , హీరోయిన్ గా సంయుక్త మీనన్ నటిస్తున్నారు. ఈ సినిమాలో వీళ్ల కెమిస్ట్రీ అద్భుతంగా ఉంటుందని సినీ సభ్యులు పేర్కొన్నారు.

ఇక ఈ సినిమాకు సంబంధించిన పూజా కార్యక్రమాల ఫొటోలను చిత్ర నిర్మాతలు సోషల్ మీడియా ద్వారా పంచుకన్నారు. దీంతో ఈ ఫొటోలు వైరల్ గా మారాయి. ధనుష్ క్యాజువల్ వైట్ షర్ట్ , ప్యాంట్‌లో అందంగా కనిపిస్తుండగా.. సంయుక్త వెరైటీ డ్రస్ తో అలరించింది.

ఎడ్యూకేషన్ మాఫియా నేపథ్యంలో..

ఈ రోజు నుంచి శరవేగంగా హైదరాబాద్ లోనే షూటింగ్ మొదలు అవుతుందని ప్రకటించారు. ఇక ఈ చిత్రం ద్వారా ధనుష్ మొదటి సారిగా డబ్బింగ్ లో కాకుండా.. తెలుగులో ఫుల్ లెంగ్త్ సినిమాలో అడుగు పెట్టాడు. ధనూష్ శేఖర్ కమ్ములతో కూడా మరో ప్రాజెక్ట్ ను తెలుగులో చేయనున్నాడు. దాని కంటే ముందే.. రంగ్ దే నిర్మాత వెంకీ అట్లూరితో ముందుగా ఈ సర్ సినిమాతో ప్రేక్షకులను అరించనున్నాడు. ఇదిలా ఉండగా.. పవన్ కళ్యాణ్ నటించిన భీమ్లా నాయక్ తర్వాత సంయుక్త మీనన్ నటిస్తున్న రెండవ తెలుగు సినిమా కూడా ఇదే. ఎడ్యుకేషన్ మాఫియా గురించి చెప్పే పీరియాడికల్ సోషల్ డ్రామాగా ఈ సినిమా ఉంటుందని ప్రచారం జరుగుతోంది. విద్య ప్రైవేటీకరణకు వ్యతిరేకంగా ఒక యువకుడు చేసిన పోరాటాన్ని ఈ చిత్రం చూపిస్తుందన్నారు. ఈ ప్రాజెక్ట్‌కి సంగీత దర్శకుడిగా జివి ప్రకాష్ , సినిమాటోగ్రఫీ దినేష్ కృష్ణన్ పని చేస్తున్నారు.