Snigdha : దమ్ము సినిమా టైంలో అందరూ నన్ను చూస్తూ నవ్వుతున్నారు… వెనక ఎన్టీఆర్ చేస్తున్న పని అది : స్నిగ్ధ

Snigdha : ‘అలా మొదలైంది’ సినిమాతో సినిమా ప్రయాణం మొదలు పెట్టిన స్నిగ్ధ తాను ఇండస్ట్రీకి సింగర్ కావాలని వచ్చి యాక్టర్ అయింది. నందిని రెడ్డి సినిమాతో అవకాశం అందుకుని మొదటి సినిమాతోనే మంచి గుర్తింపు అందుకున్న స్నిగ్ధ ప్లే బ్యాక్ సింగర్ గా కూడా కొన్ని చిత్రాలలో పాటలు పాడింది. ఇక దాదాపు యాభై కి పైగా సినిమాల్లో నటించిన స్నిగ్ధ తన వేషధారణ అందరిలా కాకుండా భిన్నంగా ఉండటం వల్ల మరింత గుర్తింపు దక్కించుకుంది. పోలీస్ ఆఫీసర్ అవ్వాలని ఇష్టమున్న స్నిగ్ధ కిరణ్ బేడీ గారంటే చాలా ఇష్టం, స్ఫూర్తి అంటూ చెప్తోంది.

నా వెనక ఎన్టీఆర్ అలా చేసేవాడు…

సినిమాల్లో కమెడియన్ గా నటిస్తూ మంచి గుర్తింపు తెచ్చుకున్న స్నిగ్ధ నటించడం రాదు ఇప్పటికీ అంటూ చెబుతుంది. బయట ఫ్రెండ్స్ తో ఎలా ఉంటానో అలానే సినిమాల్లో కూడా చేయడం వల్ల ఇబ్బందిగా అనిపించిందని చెప్పింది. ఇక శివ మాల ప్రతి ఏడాది తీసుకునే స్నిగ్ధ ఆ సమయంలో సాయంత్రం వరకు ఉపవాసం ఉండటం వల్ల సన్నబడి పోతాను మళ్ళీ దీక్ష అయ్యాక సినిమాల కోసం లావుగా అవుతాను అంటూ తన పద్ధతుల గురించి చెప్పింది.

ఇక కమెడియన్స్ సన్నగా అవడం లావుగా అవ్వడం సహజమే అంటూ మాట్లాడుతూ హీరోలలో ఎన్టీఆర్ డాన్స్ అంటే చాలా ఇష్టమంటూ చెప్పింది. దమ్ము సినిమాలో నటించిన సమయంలో ఎన్టీఆర్ స్నిగ్ధను అనుకరించేవాడట. డైరెక్టర్ బోయపాటి శీను కి యాక్షన్స్ సీన్స్ లో దెబ్బలు తినాల్సి వస్తే నా డూపర్ గా స్నిగ్ధ నూ పెట్టుకో అంటూ చెప్పేవాడట. స్నిగ్ధ వెనకాల నిల్చొని తాను ఎలా నిలబడుతుందో అనుకరిస్తూ ఆటపట్టించేవాడంటూ ఎన్టీఆర్ గురించి స్నిగ్ధ తన అనుభవాలను పంచుకున్నారు.