Sravana Bhargavi: ఎట్టకేలకు వెనకడుగు వేసిన శ్రావణ భార్గవి.. యూట్యూబ్ నుంచి వీడియో తొలగింపు?

Sravana Bhargavi: సింగర్ డబ్బింగ్ ఆర్టిస్ట్ శ్రావణ భార్గవి తన యూట్యూబ్ ఛానల్ ద్వారా తనకు సంబంధించిన ఎన్నో ఆసక్తికరమైన విషయాలను అభిమానులతో పంచుకుంటే పెద్ద ఎత్తున సోషల్ మీడియాలో అభిమానులను పెంచుకున్నారు. ఇలా సోషల్ మీడియా వ్యక్తులు విపరీతమైన ఫ్యాన్ ఫాలోయింగ్ పెంచుకున్న శ్రావణ భార్గవి తాజాగా అన్నమయ్య కీర్తనలలో ఒకటైన ఒకపరికొకరి వయ్యారమే అనే పాటను పాడడమే కాకుండా అందులో నటించింది.

ఇలా ఈ పాటలో ఈమె పడుకొని కాళ్లు ఊపుతూ జంతికలు తింటూ శృంగార భరితంగా నటించింది అని ఈ పాటపై పెద్ద ఎత్తున వివాదం చెల్లరేగింది. దీంతో ఈ పాట తొలగించాలని ఈమెకు ఎంతోమంది సూచించినప్పటికీ తాను ఎలాంటి తప్పు చేయలేదని ఆ పాటలో ఎలాంటి అసభ్యకరంగా తాను నటించలేదని తాను ఈ పాటను డిలీట్ చేసే ప్రసక్తే లేదని తెలిపారు.

ఇలా ఈమె ఈ పాట విషయంలో మొండి పట్టు పట్టడంతో ఎంతోమంది సెలబ్రిటీలు సైతం ఈ వివాదం పై స్పందిస్తూ శ్రావణ భార్గవి కౌంటర్ వేశారు.అయినప్పటికీ ఈ పాటను శ్రావణ భార్గవి డిలీట్ చేయకపోవడంతో అన్నమయ్య వంశస్థులు, టీటీడీ అధికారులకు కూడా ఈ విషయంపై ఆగ్రహం వ్యక్తం చేశారు. అలాగే ఈమెపై పోలీసు కేసు కూడా నమోదు అయింది.

శ్రావణ భార్గవి నిర్ణయం పట్ల హర్షం వ్యక్తం చేసిన అన్నమయ్య వంశీకులు…

ఈ విధంగా శ్రావణ భార్గవి ఈ పాట రోజురోజుకు వివాదంలో చిక్కుకోవడంతో ఏకంగా ఈమె ఈ వివాదంపై స్పందిస్తూ ఒక మెట్టు దిగి ఈ పాటను డిలీట్ చేశారు.ఇలా శ్రావణ భార్గవి తన యూట్యూబ్ ఛానల్ నుంచి ఆ వీడియోని డిలీట్ చేయడంతో ఎంతోమంది స్వామి వారి భక్తులతో పాటు అన్నమయ్య వంశీకులు హర్షం వ్యక్తం చేస్తున్నారు.