Sreeja: నీపై ఉన్న ప్రేమను మాటల్లో చెప్పలేను.. ఎమోషనల్ పోస్ట్ చేసిన శ్రీజ!

Sreeja: మెగాస్టార్ చిన్న కూతురు శ్రీజ పేరు గత కొద్దిరోజుల నుంచి సోషల్ మీడియాలో మార్మోగిపోతోంది. అందుకు గల కారణం ఈమె తన సోషల్ మీడియా హ్యాండిల్స్ లో తన భర్త పేరును తొలగించి శ్రీజ కొణిదల అని పెట్టుకోవడమే కారణమని చెప్పవచ్చు. ఇలా తన భర్త పేరును తొలగించడంతో శ్రీజ త్వరలోనే తన భర్తకు విడాకులు ఇవ్వబోతోంది అంటూ పెద్దఎత్తున వార్తల్లో నిలిచారు.

ఈ విషయం గురించి పరోక్షంగా వీరు మాట్లాడినప్పటికీ అభిమానులు మాత్రం త్వరలోనే వీరిద్దరూ విడాకులు తీసుకోబోతున్నారని భావిస్తున్నారు. ఇలాంటి తరుణంలోనే శ్రీజ సోషల్ మీడియా వేదికగా ఎమోషనల్ పోస్ట్ చేశారు. ప్రస్తుతం ఈ పోస్ట్ సోషల్ మీడియాలో వైరల్ గా మారింది.

మెగా హీరో వరుణ్ తేజ్ నిన్న (జనవరి 19)పుట్టిన రోజు జరుపుకోవడంతో ఈయనకు మెగా కుటుంబ సభ్యులతో పాటు మెగా అభిమానులు కూడా పెద్ద ఎత్తున పుట్టినరోజు శుభాకాంక్షలు తెలియజేశారు. ఈ క్రమంలోనే వరుణ్ తేజ్ కి శ్రీజ తనదైన శైలిలో పుట్టినరోజు శుభాకాంక్షలు తెలియజేస్తూ తన తమ్ముడి పై ఉన్న ప్రేమను వ్యక్తపరిచారు.

పొడుగా ఉన్నంత మాత్రాన తెలివైనవారు కాదు..

వరుణ్ తేజ పుట్టినరోజు సందర్భంగా శ్రీజ సోషల్ మీడియా వేదికగా స్పందిస్తూ హ్యాపీ బర్త్ డే చిన్న తమ్ముడు.. పొడుగా ఉన్నంత మాత్రాన తెలివైనవారు కాదు నీకోసం నేనున్నాను.. నా చిన్నతనాన్ని ఎంతో సంతోషంగా గడిచేలా చేసినందుకు చాలా థాంక్స్.. ఎప్పుడు నన్ను సపోర్ట్ చేస్తూ ఎంతో ప్రేమను చూపించావు …నీపై నాకున్న ప్రేమ మాటలలో చెప్పలేను అంటూ వరుణ్ తేజ్ పుట్టినరోజు శుభాకాంక్షలు తెలియజేస్తూ శ్రీజ ఎమోషనల్ పోస్ట్ చేశారు. ప్రస్తుతం శ్రీజ చేసిన పోస్ట్ సోషల్ మీడియాలో వైరల్ గా మారింది.