Subbaraju: నటుడు సుబ్బరాజు భార్య ఎవరు… ఏం చేసారో తెలుసా?

Subbaraju: ఇటీవల టాలీవుడ్ ఇండస్ట్రీలో సెలబ్రిటీలందరూ వరుసగా పెళ్లిళ్లు చేసుకుంటూ కొత్త జీవితాన్ని ప్రారంభిస్తున్నారు. ఈ క్రమంలోనే టాలీవుడ్ ఇండస్ట్రీలో నటుడిగా కమెడియన్ గా ఎంతో మంచి గుర్తింపు సంపాదించుకున్న నటుడు సుబ్బరాజు కూడా పెళ్లి చేసుకున్న విషయం మనకు తెలిసిందే. లేటు వయసులో ఈయన పెళ్లి చేసుకుని అందరికీ షాక్ ఇచ్చారు.

ఏ విధమైనటువంటి సమాచారం లేకుండా ఒక్కసారిగా పెళ్లికి సంబంధించిన ఫోటోలను ఈయన సోషల్ మీడియాలో షేర్ చేయడంతో ఈ పెళ్లి ఫోటోలు కాస్త వైరల్ అయ్యాయి. ఇకపోతే సుబ్బరాజు పెళ్లి చేసుకున్న అమ్మాయి ఎవరు ఏంటి అనే విషయాలను మాత్రం ఎక్కడా వెల్లడించకపోవడంతో తన గురించి అభిమానులు ఆరా తీయడం మొదలుపెట్టారు.

సుబ్బరాజు పెళ్లి చేసుకున్న అమ్మాయి ఇండస్ట్రీకి ఏమాత్రం సంబంధంలేని అమ్మాయని తెలుస్తుంది ఈమె అమెరికాలో డాక్టర్ గా స్థిరపడ్డారు. ఇలా అమెరికాలోని ఫ్లోరిడాలో డెంటిస్ట్ గా పని చేస్తున్న స్రవంతి అనే యువతిని సుబ్బరాజు వివాహం చేసుకున్నారు. ఇక వీరి వివాహం కూడా యూఎస్ఏ లోనే జరిగింది.

Subbaraju: డెంటిస్ట్..

ఇలా అమెరికాలో వివాహం చేసుకున్న సుబ్బరాజు త్వరలోనే హైదరాబాద్లో సినీ సెలబ్రిటీల సమక్షంలో రిసెప్షన్ చేసుకోబోతున్నారని తెలుస్తోంది. ఇక సోషల్ మీడియా వేదికగా ఈయన పెళ్లి ఫోటో పై అభిమానులు ఇతర సెలబ్రిటీలు స్పందిస్తూ శుభాకాంక్షలు తెలియజేసిన నేపథ్యంలో ఈయన స్పందిస్తూ తమకు విష్ చేసిన ప్రతి ఒక్కరికి ధన్యవాదాలు అంటూ రిప్లై ఇచ్చారు. ఇలా ఒక డాక్టర్ ను ఈయన పెళ్లి చేసుకున్నారనే విషయం తెలిసిన అభిమానులు సంతోషం వ్యక్తం చేస్తున్నారు.