Sudigali Sudheer :సైకలాజికల్ థ్రిల్లర్ గా సుడిగాలి సుధీర్ ’కాలింగ్ సహస్ర’.. ఆకట్టుకుంటున్న టీజర్..!

Sudigali Sudheer : బుల్లితెరపై సుధీర్ అంటే ఒక సంచలనం.జబర్దస్త్ తో మొదలైన ప్రయాణం ఎంతో మంది అభిమానులను సంపాదించుకునేలా చేసింది. బుల్లితెరకి పవర్ స్టార్ అంటూ ఫ్యాన్స్ రచ్చ చేస్తుంటారు ఫ్యాన్స్. ఇక జబర్దస్త్ లోనే కాకుండా ఢీ డాన్స్ షో, కొత్తగా శ్రీదేవి డ్రామా కంపెనీకి కూడా యాంకర్ గా వ్యవహరిస్తూ ఫుల్ ఫార్మ్ లో ఉన్నాడు సుధీర్.

ఇక వెండితెర మీద కూడా తన అదృష్టాన్ని పరీక్షించుకున్నాడు సుధీర్. సాఫ్ట్ వేర్ సుధీర్ గా పర్వాలేదనిపించాడు. కానీ ఆశించినంత విజయం సాధించలేదు. ఇక త్రీ మంకీస్ గా వచ్చాడు ఏది పెద్దగా ఆకట్టుకోలేదు. ఇక చాలా సినిమాల్లో హీరో ఫ్రెండ్ పాత్రల్లో నటించారు సుడిగాలి సుధీర్. ఇక ఇపుడు కాలింగ్ సహస్ర సినిమాతో ప్రేక్షకుల ముందుకు రాబోతున్నాడు. అరుణ్ వక్కిరాల దర్శకత్వంలో రూపొందిన ఈ చిత్రం సైకో థ్రిల్లర్. ఇక విడుదలైన టీజర్ కు మంచి రెస్పాన్స్ వచ్చింది.

బ్రతకడం కోసం చంపడం సృష్టి ధర్మం.. మరి చంపడం కానప్పుడు దాన్ని చూపించడం తప్పెలా అవుతుంది’ అంటూ మొదలైన టీజర్ ఆకట్టుకుంటుంది. ‘ఇప్పటివరకు వాళ్ళు 6000 మందిని చంపారు’ అని శివ బాలాజి మాటలు ఆ సైకోలు ఎంత కిరాతకులో అర్థమవుతుంది. సైబర్ సెక్యూరిటీ ఆఫీసర్ సుధీర్ ఆకట్టుకుంటున్నాడు. ఫైట్స్ సీన్లను కూడా సుధీర్ అద్భుతంగా చేశాడు. టీజర్ భయానకంగా ఆధ్యాంతం ఆకట్టుకుంటుంది.

తన కామెడీ టైమింగ్, నటన, డాన్సు, ఇక సింగర్ గా కూడా తన టాలెంట్ నిరూపించుకున్న సుధీర్ ఇక ఈ సినిమాతో మంచి విజయం సాధించాలనుకుంటున్నాడు. ఇక ఈ సినిమాలో కీలక పాత్రలో శివబాలాజీ నటించారు. ఇక సుధీర్ కు జోడిగా డాలీషా నటించింది. విజేష్ తయాల్, కాటూరి వెంకటేశ్వర్లు, పామిడి చిరంజీవి సంయుక్తంగా నిర్మించారు.