Suma Kanakala: యాంకర్ సుమ బుల్లితెరకు గుడ్ బై చెప్పనుందా? సుమ ఏమంటుందో తెలుసా?

Suma Kanakala: బుల్లితెర యాంకర్ గా అందరినీ ఎంతగానో సందడి చేసిన సుమ కనకాల ప్రస్తుతం విజయ్ కలివారపు దర్శకత్వంలో తెరకెక్కిన జయమ్మ పంచాయతీ అనే సినిమాలో నటించారు. ఈ సినిమా ఎన్నో అంచనాల నడుమ నేడు ప్రేక్షకుల ముందుకు వచ్చింది. ఇక ఈ సినిమా మొదటి షోతోనే మంచి టాక్ సంపాదించుకుంది.

ఈ సినిమా మంచి విజయం అందుకోవడంతో మంచి కథ నైపుణ్యం ఉన్న పాత్రలు దొరికితే తప్పకుండా తను సినిమాలలో నటిస్తానని సుమ వెల్లడించారు. ఈ విధంగా సుమ సినిమాలలో నటిస్తానని చెప్పడంతో ఈమె బుల్లితెరకు దూరమవుతుందా? ఇకపై బుల్లితెరపై సుమను చూడలేమా? అనే సందేహాలు తలెత్తాయి.

ఈ క్రమంలోనే సుమ గురించి వస్తున్నటువంటి ఈ వార్తలపై సుమ స్పందించారు. ఈ సందర్భంగా ఒక ఇంటర్వ్యూలో పాల్గొన్న సుమ తాను బుల్లితెరను వదిలే ప్రసక్తే లేదని, ప్రస్తుతం తనకు ఇంత గుర్తింపు వచ్చిందంటే కేవలం బుల్లితెర కార్యక్రమాల ద్వారా మాత్రమేనని సుమ తెలిపారు.

వదిలేదే లే…

ఇలా నాకు అన్నం పెట్టి, నా ఎదుగుదలను ప్రోత్సహించిన బుల్లితెరను ఎట్టిపరిస్థితిలోనూ వదిలే ప్రసక్తే లేదని తన గురించి వస్తున్న వార్తలపై క్లారిటీ ఇచ్చారు. ఒక వైపు సినిమా అవకాశాలు వచ్చిన సినిమాలలో నటిస్తూనే బుల్లితెర కార్యక్రమాలను కూడా కొనసాగిస్తానని ఈ సందర్భంగా సుమ వెల్లడించారు.