Suma Kanakala: స్టేజ్ పైనే భర్త రాజీవ్ కనకాలను ఆట పట్టించిన సుమ..!

Suma Kanakala:సుమ కనకాల ఈ పేరుకు ప్రత్యేకంగా పరిచయం అవసరం లేదు. బుల్లితెరపై అన్ని టీవీ ఛానల్ లో ఏదో ఒక కార్యక్రమం ద్వారా తెలుగు ప్రేక్షకులను సందడి చేస్తున్న సుమ ప్రస్తుతం వెండితెరపై జయమ్మ పంచాయతీ అనే సినిమా ద్వారా వెండితెర ప్రేక్షకులను సందడి చేయడానికి సిద్ధమైంది.ఈ క్రమంలోనే సుమా ప్రధాన పాత్రలో నటించిన జయమ్మ పంచాయతీ అనే సినిమా మే ఆరో తేదీ విడుదల కానుంది.

ఈ సినిమా విడుదల తేదీ దగ్గర పడటంతో పెద్దఎత్తున సినిమా ప్రమోషన్ కార్యక్రమాలను నిర్వహించారు. ఈ ప్రమోషన్ కార్యక్రమాల్లో భాగంగా శనివారం హైదరాబాద్లో ఈ సినిమా ప్రీ రిలీజ్ వేడుకను ఘనంగా జరుపుకున్నారు. ఈ కార్యక్రమానికి మెగాస్టార్ చిరంజీవి నాచురల్ స్టార్ నాని ముఖ్య అతిథులుగా పాల్గొన్నారు.

ఇక ఈ ప్రీ రిలీజ్ వేడుకలో భాగంగా సుమ భర్త రాజీవ్ కనకాల పాల్గొని ఆయన సినిమా గురించి పలు ఆసక్తికరమైన విషయాలను మాట్లాడి వేదికపై నిలబడ్డారు. ఇక రాజీవ్ మాట్లాడిన తర్వాత సుమ మైక్ అందుకొని తన భర్త గురించి షాకింగ్ కామెంట్స్ చేస్తూ కాసేపు సరదాగా తన భర్తను ఆట పట్టించింది.

అందరికీ ధన్యవాదాలు…

ఇక వేదికపై మైక్ అందుకున్న సుమ మాట్లాడుతూ.. హలో బాబు మిస్టర్ కనకాల ముందుకు రా నీ వెనకాలే నేను అంటూ సరదాగా తన భర్తను తన మాటలతో ఆట పట్టించారు. ఇక ఈ సందర్భంగా సుమ మాట్లాడుతూ తన జీవితంలో ఎన్నో సినిమాలకు ప్రీ రిలీజ్ వేడుకలలో పాల్గొన్నప్పటికీ మొట్టమొదటిసారిగా ఆ వేడుక పూర్తయ్యేవరకు స్టేజిపై ఉన్నానని వెల్లడించారు. ఇక ఈ సినిమా కోసం తను ఎంతో కష్టపడి శ్రీకాకుళం యాస నేర్చుకున్నానని సుమా వెల్లడించారు. ఇక ఈ సినిమా కోసం ఎంతో కష్టపడి పని చేసిన ప్రతి ఒక్కరికి పేరుపేరునా ధన్యవాదాలు అంటూ సుమ అందరికీ ధన్యవాదాలు తెలియజేశారు. బుల్లితెరపై తన వాక్చాతుర్యంతో అందరినీ సందడి చేసిన సుమ వెండితెరపై ప్రేక్షకులను ఎలా సందడి చేయనుందో తెలియాల్సి ఉంది.