బాలీవుడ్ హీరోకు డబ్బింగ్ చెబుతున్న అక్కినేని హీరో!

లెజెండరీ క్రికెటర్ టీమిండియా మాజీ కెప్టెన్ కపిల్ దేవ్ జీవితంలోని సంఘటన ఆధారంగా తెరకెక్కుతున్న తాజా బయోపిక్ చిత్రం 83. బాలీవుడ్ దర్శకుడు కబీర్ ఖాన్ దర్శకత్వం వహించగా రణ్ వీర్ సింగ్ ప్రధాన పాత్రలో నటించారు. కపిల్ దేవ్ భార్య పాత్రలో రోమి దేవ్ గా రణ్ వీర్ సతీమణి దీపికాపదుకునే నటించింది. అయితే కరోనా మహమ్మారి కారణంగా వాయిదా పడుతూ వస్తున్న ఈ సినిమా ఈ నెల 24న ప్రేక్షకుల ముందుకు రానుంది.

ఈ సినిమాకు టాలీవుడ్ హీరో సుమంత్ డబ్బింగ్ చెబుతున్నారు. 83 సినిమాను పాన్ ఇండియా లెవెల్ లో తెలుగు, తమిళం, మలయాళం, కన్నడ భాషలలో విడుదల చేస్తున్నారు. తెలుగులో అన్నపూర్ణ స్టూడియోస్ బ్యానర్ పై అక్కినేని నాగార్జున థియేట్రికల్ రిలీజ్ చేస్తున్నారు.

తాజాగా అన్ని భాషలకు సంబంధించిన ట్రైలర్స్ ను ఆవిష్కరించారు.ఈ ట్రైలర్ కు ప్రేక్షకుల నుంచి విశేష స్పందన లభిస్తోంది. ఈ సినిమా కోసం అక్కినేని హీరో సుమంత్ డబ్బింగ్ ఆర్టిస్ట్ గా మారనున్నారు. కపిల్ దేవ్ పాత్ర పోషించిన రణ్ వీర్ సింగ్ కీ సుమంత్ వాయిస్ ను అందించారు. ఈ చిత్రాన్ని రిలయన్స్ ఎంటర్ టైన్మెంట్స్ ఫాంటమ్ ఫిలిమ్స్ సమర్పణలో కబీర్ ఖాన్ ఫిలిమ్స్ బ్యానర్ పై నిర్మించారు.

ఇందులో దీపికా పదుకొనే, కబీర్ ఖాన్, విష్ణువర్ధన్ ఇందూరి, సాజిద్ నడియావాలా నిర్మాతలుగా వ్యవహరించారు.ఈ సినిమా క్రిస్మస్ సందర్భంగా రిలీజ్ కాబోతోంది. తాజాగా రిలీజ్ అయిన ట్రైలర్ ఆడియన్స్ సందడి చేస్తుంది ఈ సినిమాని తమిళంలో కమల్ హాసన్ మలయాళంలో పృథ్విరాజ్ సుకుమారన్ కన్నడలో కిచ్చా సుదీప్ విడుదల చేస్తుండటం విశేషం.