Supritha: టాలీవుడ్ ఇండస్ట్రీలో క్యారెక్టర్ ఆర్టిస్టుల ఎంతో మంచి గుర్తింపు సంపాదించుకున్న నటి సురేఖ వాణి గురించి ప్రత్యేకంగా చెప్పక్కర్లేదు. ఈమె ఎన్నో సినిమాల్లో క్యారెక్టర్ ఆర్టిస్ట్ గా నటించేందుకు మంచి గుర్తింపు సంపాదించుకున్నారు.ఇక సోషల్ మీడియాలో కూడా నటి సురేఖ వాణి తన కూతురితో కలిసి చేసే హంగామా గురించి అందరికీ తెలిసిందే.

ఇలా సోషల్ మీడియాలో కూడా హీరోయిన్ రేంజ్ ఫ్యాన్ ఫాలోయింగ్ పెంచుకున్నారు సురేఖ వాణి. అయితే గతంలో సురేఖవాణి రెండో పెళ్లి చేసుకుంటుంది అంటూ పెద్ద ఎత్తున వార్తలు రావడంతో తన కూతురు సుప్రీత తీవ్రస్థాయిలో ఖండించారు. తాజాగా ఒక ఇంటర్వ్యూలో పాల్గొన్న సుప్రీత ఎన్నో ఆసక్తికరమైన విషయాలను వెల్లడించారు. ఈ సందర్భంగా ఆమె మాట్లాడుతూ తన తల్లి రెండో పెళ్లి గురించి చర్చించారు.

ఈ సందర్భంగా మాట్లాడుతూ తన తల్లికి రెండో పెళ్లి చేయాలని ఉందని సుప్రీత మాట్లాడారు. అయితే పూర్తిగా తన తల్లి ఇష్టంతోనే ఈ పెళ్లి జరగాలని ఏం జరుగుతుందన్నది టైం డిసైడ్ చేస్తుంది.ఇప్పుడిప్పుడే సెటిల్‌ అవుతున్నాం అంటూ సుప్రీత తన మనసులో మాట బయట పెట్టారు.

బంధువులు కూడా చివరి చూపులకు రాలేదు….

అలాగే తన తండ్రి మరణించినపుడు నాన్నకు తల కొరివి పెట్టడానికి ఎవరు ముందుకు రాలేదని అప్పటి విషయాలను గుర్తు చేసుకొని ఎమోషనల్ అయ్యారు.నాన్న చివరి చూపులకు మా బంధువులు ఎవరు కూడా రాలేదని, నాన్నకు తలకొరివి కూడా నేనే పెట్టానని ఈ ఇంటర్వ్యూ సందర్భంగా సుప్రీత వెల్లడించారు.