Tag Archives: Arya movie

Allu Arjun: నేను అందంగా లేనని రిజెక్ట్ చేశారు… నటుడిగా నేను ఫెయిల్ అయ్యాను: అల్లు అర్జున్

Allu Arjun: ఐకాన్ స్టార్ అల్లు అర్జున్ ప్రస్తుతం జాతీయ ఉత్తమ నటుడిగా అవార్డు సొంతం చేసుకున్నారు. నటుడిగా ఇండస్ట్రీలో ఎంతో మంచి సక్సెస్ అందుకున్నటువంటి అల్లు అర్జున్ నేడు నేషనల్ అవార్డు అందుకోవడంతో మెగా అభిమానులతో పాటు అల్లు అభిమానులు కూడా ఎంతో సంతోషం వ్యక్తం చేస్తున్నారు. ఇకపోతే అల్లు అర్జున్ ఈ అవార్డును అందుకున్నప్పటికీ ఈ అవార్డు వెనుక ఎన్నో అవమానాలు ఉన్నాయని తెలుస్తోంది.

ఇక అల్లు అర్జున్ కెరీర్ మొదట్లో ఎన్నో అవమానాలను ఎదుర్కొన్నారని అంతేకాకుండా ఓ భారీ నిర్మాణ సంస్థ తనని రిజెక్ట్ చేశారు అంటూ ఈయన ఒక ఇంటర్వ్యూ సందర్భంగా తాను ఎదుర్కొన్నటువంటి చేదు అనుభవాల గురించి చెబుతూ చేసినటువంటి కామెంట్స్ ప్రస్తుతం సోషల్ మీడియాలో వైరల్ అవుతున్నాయి. ఈ సందర్భంగా అల్లు అర్జున్ మాట్లాడుతూ గంగోత్రి కంటే ముందుగానే తనకు ఓ పెద్ద బ్యానర్ లో అవకాశం వచ్చిందని తెలిపారు.

ఇలా ఆ పెద్ద బ్యానర్ తనకు సినిమా అవకాశం కల్పించి అనంతరం తాను అందంగా లేనని తనని ఆ సినిమా నుంచి రిజెక్ట్ చేశారని అల్లు అర్జున్ తెలిపారు. ఇలా అందంగా లేనని నన్ను రిజెక్ట్ చేయడంతో ఆ సమయంలో చిరంజీవి గారు నాన్న చాలా బాధపడ్డారని అయితే సొంతంగా వాళ్లే తనని హీరోగా ఇండస్ట్రీకి పరిచయం చేయాలని నిర్ణయించుకున్నారని తెలిపారు. అదే సమయంలోనే గంగోత్రి సినిమా అవకాశం వచ్చిందని తెలిపారు.

Allu Arjun: ఆర్య సినిమా నుంచి వెనక్కి తిరిగి చూసుకోలేదు…


ఈ సినిమా ప్రేక్షకుల ముందుకు వచ్చినప్పటికీ తన పట్ల చాలా విమర్శలు వచ్చాయి. నటుడిగా అప్పుడు కూడా తాను ఫెయిల్ అయ్యానని తెలిపారు కానీ తనకు మాత్రం నటన వచ్చు అన్న నమ్మకం తనకు ఉండేదని అల్లు అర్జున్ వెల్లడించారు. అదే సమయంలోనే దిల్ రాజు కొత్తవారితో సినిమా చేస్తున్నారని తెలియడంతో ఆర్య సినిమాకు తాను ఎంపిక అయ్యానని అప్పటినుంచి తాను ఇండస్ట్రీలో కెరియర్ పరంగా వెనక్కి తిరిగి చూసుకోలేదు అంటూ ఈ సందర్భంగా అల్లు అర్జున్ చేసినటువంటి ఈ కామెంట్స్ వైరల్ అవుతున్నాయి.

Dil Raju: డైరెక్టర్ తేజ వల్ల కోట్లలో నష్టపోయిన దిల్ రాజు… అసలేమైందంటే?

Dil Raju: టాలీవుడ్ లో స్టార్ ప్రొడ్యూసర్ గా గుర్తింపు పొందిన దిల్ రాజు గురించి ప్రత్యేకంగా చెప్పనవసరం లేదు. మొదట డిస్ట్రిబ్యూటర్ తన కెరీర్ ప్రారంభించిన దిల్ రాజు ఆ తర్వాత నిర్మాతగా మారి ఎన్నో సూపర్ హిట్ సినిమాలను నిర్మించి స్టార్ ప్రొడ్యూసర్ గా గుర్తింపు పొందాడు. దిల్ రాజు నిర్మించిన సినిమాలోని 80% సినిమాలు మంచి విజయం సాధించి దిల్ రాజుకి లాభాలు తెచ్చిపెట్టాయి. అయితే కొన్ని సందర్భాలలో మాత్రం దిల్ రాజు నిర్మించిన సినిమాల వల్ల భారీ నష్టం ఎదుర్కోవల్సి వచ్చింది. సినిమా ఇండస్ట్రీలో నిర్మాతలు ముఖ్యపాత్ర పోషిస్తారు..

ఒక సినిమా నిర్మించటానికి నిర్మాతలు కోట్ల రూపాయలు ఖర్చు చేస్తుంటారు. అయితే ఆ సినిమాలు హిట్ అయినా, ప్లాప్ అయినా కూడా నిర్మాతలదే భాధ్యత ఉంటుంది. సినిమా హిట్ అయితే లాభాలు తీసుకున్నట్లే సినిమా ప్లాప్ అయినా కూడా వాటి నష్టాలను భరించాల్సి వస్తుంది. అయితే సినిమా నిర్మాణ విషయంలో దిల్ రాజుకి చాలా అనుభవం ఉంది. సినిమా స్టోరీ విన్న తర్వాత దిల్ రాజు ఆ సినిమా గురించి అంచనా వేసి మరి నిర్మాణ పనులు చేపడుతారు. అంతేకాకుండా డిస్ట్రిబ్యూషన్ కూడా చేస్తారు. అయితే కొన్ని సందర్భాలలో దిల్ రాజు అంచనాలు తప్పడం వల్ల ఆయన నిర్మించిన చిత్రాలు ఫ్లాప్ అయ్యాయి.

తేజ దర్శకత్వం వహించిన ఒక సినిమాకి డిస్ట్రిబ్యూషన్ తీసుకోవడం వల్ల దిల్ రాజు భారీగా నష్టపోయినట్లు తెలుస్తోంది. తేజ దర్శకత్వంలో నవదీప్ హీరోగా తెరకెక్కిన ” జై ” సినిమా 2004లో విడుదలై నిరాశపరిచింది. ఈ సినిమా నైజాం హక్కులు దిల్ రాజు రూ.2.25 కోట్లు పెట్టి దక్కించుకున్నారు.

Dil Raju: ఆర్య నష్టాల నుంచి బయట పడేసింది….

ఆ సినిమా ఫ్లాప్ అవటంతో అందులో సగం డబ్బులు కూడ వసులు కాలేదు. దీంతో ఈ సినిమా డిస్ట్రిబ్యూషన్ తీసుకోవడం వల్ల దిల్ రాజు దాదాపు రెండు కోట్ల రూపాయలు నష్టపోయారట. అయితే అదే ఏడాది వచ్చిన ఆర్య సినిమా వల్ల ఆ నష్టం భర్తీ అయినట్లు దిల్ రాజు ఒక సందర్భంలో వెల్లడించాడు. ఇక ఇటీవల నాగచైతన్య హీరోగా దిల్ రాజు నిర్మించిన థాంక్యూ సినిమా కూడా డిజాస్టర్ టాక్ సొంతం చేసుకుని దిల్ రాజు కి భారీ నష్టాలను మిగిల్చింది.