Ramcharan: టాలీవుడ్ ఇండస్ట్రీలో స్టార్ హీరోగా ఎంతో మంచి గుర్తింపు సంపాదించుకున్నటువంటి రామ్ చరణ్ ప్రస్తుతం గ్లోబల్ స్టార్ అనే ఇమేజ్ సొంతం చేసుకున్న సంగతి మనకు తెలిసిందే. ఇలా పాన్ ఇండియా స్థాయిలో సినిమాలు చేస్తూ ఎంతో బిజీగా ఉన్నటువంటి ఈయన తన భార్య ఉపాసనతో కలిసి అనంత్ అంబానీ ఫ్రీ వెడ్డింగ్ సెలబ్రేషన్స్ లో పాల్గొన్న సంగతి మనకు తెలిసిందే.
ఇక ఈ కార్యక్రమంలో భాగంగా బాలీవుడ్ స్టార్ హీరోలు అయినటువంటి షారుక్ ఖాన్, సల్మాన్ ఖాన్, అమీర్ ఖాన్ ముగ్గురు కలిసి వేదికపై నాటు నాటు పాటకు స్టెప్పులు వేశారు అయితే వేదికపై నుంచి ఈ హీరోలు రామ్ చరణ్ ని పిలిచి మరి నలుగురు కలిసి డాన్స్ చేసిన సంగతి మనకు తెలిసిందే. ఇందుకు సంబంధించిన వీడియోలు సోషల్ మీడియాలో వైరల్ అయ్యాయి.
ఇకపోతే షారుఖ్ ఖాన్ వేదికపై నుంచి రామ్ చరణ్ ను పిలిచేటప్పుడు ఇడ్లీ వడ అంటూ ఆయనని ఉద్దేశించి పిలిచారు. దీంతో రాంచరణ్ ఫీలవుతూ స్టేజ్ పైనుంచి దిగిపోయారని స్వయంగా ఉపాసన మేకప్ ఆర్టిస్ట్ ఈ విషయాన్ని సోషల్ మీడియా వేదికగా షేర్ చేయడంతో ఒక్కసారిగా మెగా ఫ్యాన్స్ షారుక్ ఖాన్ పై ఆగ్రహం వ్యక్తం చేస్తున్నారు.
టాలీవుడ్ పై అసూయ..
బాలీవుడ్ హీరోలను పావు బాజీ వడపావ్ అని పిలిస్తే ఫీలవుతారు కదా. సరదాగా పిలిచిన ఇలా ఒక హీరోని అవమానించడం సరైనది కాదు అంటూ కొందరు కామెంట్లు చేయగా, మరికొందరు టాలీవుడ్ హీరోలు ఇప్పుడు ఇంటర్నేషనల్ స్థాయిలో గుర్తింపు తెచ్చుకోవడంతో బాలీవుడ్ హీరోలు ఈ విధంగా అక్కసు వెళ్ళకక్కుతున్నారు అంటూ షారుక్ ఖాన్ వ్యవహార శైలి పై తీవ్ర స్థాయిలో మండిపడుతున్నారు.
