Anchor Suma: సుమ పరువు తీసిన జబర్దస్త్ కమెడియన్..షో నుంచి బయటకు వెళ్ళిన సుమ!

Anchor Suma: ప్రస్తుతం బుల్లిపెరపై తన యాంకరింగ్ తో ప్రేక్షకులను కట్టి పడేస్తూ, పలు టీవీ షోల్లోనే కాకుండా, ప్రముఖ హీరోలు నటించిన సినిమాల ప్రీ రిలీజ్ ఈవెంట్స్, ఆడియో రిలీజ్ ఫంక్షన్స్ కి వ్యాఖ్యాతగా వ్యవహరిస్తున్నారు యాంకర్ సుమ. తెలుగు టెలివిజన్ లో అత్యధిక పారితోషికం తీసుకుంటున్న వారి జాబితాలో ముందుంటూ, పలువురి మన్ననలు పొందుతూ, ఇటీవలే సినిమాల్లోనూ నటిస్తూ తన హవాను కొనసాగిస్తోంది సుమ. తన కామెడీతో, పంచ్ లతో టీవీ వీక్షకులను కడుపుబ్బా నవ్విస్తూ అభిమానుల ఆదరాభిమానాలను చూరగొంటుంది.

ఇకపోతే ఇటీవలే సినిమాల్లోకి ప్రవేశించిన సుమ, ఆ చిత్ర ప్రమోషన్స్ లో భాగంగా జబర్దస్త్ అనే కామెడీ షోకి జడ్జ్ గా విచ్చేసింది. దాంతో అక్కడి వాతావరణమంతా కోలాహలంగా మారింది. మామూలుగానే కమెడియన్స్ పంచులతో ఆ షో దూసుకుపోతూ ఉంటుంది. ఇక దానికి తోడు సుమ కూడా జాయిన్ కావడంతో సెట్ అంత నవ్వుల మయం అయినట్టు తెలుస్తోంది.

సుమ పై పంచ్ ల వర్షం…

ఇంకో ముఖ్య విషయం ఏమిటంటే, కంటెస్టెంట్స్ చేసే స్కిట్స్ అన్నీ కూడా సుమ మీదే ఉండడం ఈ సారి మరిన్ని నవ్వులు పూయిస్తుందని అవగతం అవుతుంది. ఇందులో ముఖ్యంగా ఒక కంటెస్టెంట్ సుమ యాంకరింగ్ చేసేటపుడు ఎలా ఉంటుంది, బ్రేక్ వచ్చినపుడు ఏం చేస్తుందనే విషయాలను కామెడీగా ప్రదర్శించినట్టు తెలుస్తోంది. ఇక పక్కనే ఉన్న అసలు జడ్జీలు మనో, రోజులు కూడా సుమను బాగానే ఆడుకున్నట్టు ఈ వారం ఎపిసోడ్ కి సంబంధించిన ప్రోమోను చూస్తే తెలుస్తోంది. ప్రోమోనే ఇంత నవ్విస్తే, ఇక ఎపిసోడ్ మొత్తం ఎలా ఉంటుందో అని ఫ్యాన్స్ ఆతృతగా ఎదురుచూస్తున్నారు.