Jr.NTR: అభిమాని ఆరోగ్య పరిస్థితి విషమంగా ఉందని తెలుసుకున్న తారక్.. అండగా ఉంటానంటూ భరోసా?

Jr.NTR: అభిమానులకు ఏదైనా ఆపద వస్తే ఆదుకోవడానికి సెలబ్రిటీలు ముందు వరుసలో ఉంటారు. ఇలా ఇప్పటికే ఎంతోమంది సినీ సెలబ్రిటీలు అభిమానులకు ఆపద సమయంలో ఆదుకున్న వారు ఎంతో మంది ఉన్నారు. తాజాగా ఎన్టీఆర్ అభిమానికి ఆరోగ్య పరిస్థితి విషమంగా ఉందని తెలియడంతో వెంటనే ఎన్టీఆర్ ఫోన్ చేసి పరామర్శించారు.

ఎన్టీఆర్ అభిమాని జనార్ధన్ అనే వ్యక్తి ఆరోగ్య పరిస్థితి విషమంగా ఉండటంతో ఈ విషయాన్ని ఎన్టీఆర్ వరుకు చేరడంతో ఎన్టీఆర్ స్వయంగా ఫోన్ చేసి అభిమాని జనార్ధన్ కు ధైర్యం చెప్పడమే కాకుండా, తన తల్లితో తనకు ధైర్యం చెబుతూ తన కుటుంబానికి అండగా ఉంటానని భరోసా ఇచ్చారు. ఇలా ఫోన్ కాల్ వీడియోని రికార్డ్ చేసి ఎన్టీఆర్ పీఆర్వోలు సోషల్ మీడియాలో షేర్ చేయడంతో ఒక్కసారిగా ఈ వీడియో వైరల్ గా మారింది.

అభిమాని ఆరోగ్య పరిస్థితి బాగాలేదని తెలుసుకున్న వెంటనే ఎన్టీఆర్ స్పందించి కుటుంబానికి అండగా ఉండడంతో ఎన్టీఆర్ అభిమానులు సంతోషం వ్యక్తం చేయడమే కాకుండా, ఎన్టీఆర్ పై ప్రశంసలు కురిపిస్తున్నారు. ఇకపోతే ఈ వీడియో వైరల్ కావడంతో అందరి దృష్టి ఆ ఫోన్ నెంబర్ పై పడింది.ఈ క్రమంలోని ఎంతోమంది అభిమానులు ఆ ఫోన్ నెంబర్ ఎన్టీఆర్ దేనని భావించి పెద్ద ఎత్తున ఫోన్లు చేయడం మొదలుపెట్టారు.

ఫోన్ నెంబర్ పై దృష్టి పెట్టిన అభిమానులు…

ఇక ఎన్టీఆర్ మాట్లాడిన ఫోన్ కాల్ లో ఉన్న నెంబర్ తనది కాదని తన మేనేజర్ దని సమాచారం. మొత్తానికి ఎన్టీఆర్ కి సంబంధించిన ఈ వీడియో సోషల్ మీడియాలో వైరల్ గా మారింది. ఎన్టీఆర్ సినిమాల విషయానికి వస్తే త్రిబుల్ ఆర్ సినిమా ద్వారా మంచి గుర్తింపు సంపాదించుకున్న ఈయన ప్రస్తుతం కొరటాల శివతో సినిమా చేయనున్నారు. ఈ సినిమా త్వరలోనే షూటింగ్ పనులను ప్రారంభించుకోనున్నారు.