Tarakaratna: మూడు వారాలు దాటిన స్పృహలోకి రాని తారకరత్న… తారకరత్న విషయంలో అసలేం జరుగుతుంది?

Tarakaratna: నందమూరి వారసుడు తారకరత్న లోకేష్ యువగలం పాదయాత్రలో భాగంగా పాల్గొంటూ నారా లోకేష్ కు మద్దతు తెలిపిన సంగతి మనకు తెలిసిందే. అయితే ఈ పాదయాత్ర ప్రారంభమైన కొంత సమయానికే తారకరత్న స్పృహ తప్పి పడిపోవడంతో ఒకసారిగా ఆయనని సమీప ఆసుపత్రికి తరలించారు. అయితే ఆయనకు గుండెపోటు వచ్చిందని తెలియగానే ప్రత్యేక ఆంబులెన్స్ లో తనని బెంగళూరులోనే నారాయణ హృదయాలయ ఆసుపత్రికి తరలించారు.

ఇలా అక్కడ ప్రత్యేక వైద్య బృందంతో ఈయనకు చికిత్స అందిస్తున్నారు. అయితే ఈయన గుండె చికిత్సకు ఏ మాత్రం స్పందించలేదని మొదట్లో వైద్యులు వెల్లడించి తన పరిస్థితి విషమంగా ఉందని తెలిపారు. అయితే తను ఆరోగ్యంగా కోలుకోవాలని డాక్టర్లు శతవిధాలుగా ప్రయత్నాలు చేస్తున్నారు. ఈ క్రమంలోనే ఈయనకు గుండెలో దాదాపు 90% బ్లాక్ అయిందని వైద్యులు వెల్లడించారు.

ఇలా తారకరత్న ఆరోగ్య పరిస్థితి విషమంగా ఉందని తెలియడంతో అభిమానులు ఆయన క్షేమంగా తిరిగి రావాలని ప్రత్యేకంగా పూజలు చేశారు.ఇక ఆయనకు మెరుగైన వైద్యం అందించడం కోసం డాక్టర్ల సలహాలు సూచనలు మేరకు ఏ క్షణానైనా విదేశాలకు తీసుకువెళ్తారనే వార్తలు కూడా వచ్చాయి.అయితే బెంగుళూరులోని నారాయణ హృదయాలయ ఆసుపత్రిలో చేరి దాదాపు 15 రోజులు పూర్తి అయింది అయినప్పటికీ ఈయన స్పృహలోకి రాకపోవడంతో అభిమానులు ఆందోళన చెందుతున్నారు.

Tarakaratna: త్వరలోనే తారకరత్న హెల్త్ అప్డేట్ విడుదల..

ఇలా తారకరత్న 15 రోజులు పూర్తి అయిన ఇంకా స్పృహ లోకి రాకపోవడంతో అసలు ఈయన ఆరోగ్య విషయంలో ఏం జరుగుతుంది? ఈయన తాజా హెల్త్ అప్డేట్ ఏంటి అని అభిమానులు సందేహాలు వ్యక్తం చేస్తున్నారు. అయితే ఈయనకు ఇప్పటికే మేజర్ హార్ట్ సర్జరీ జరిగినట్లు వైద్యులు వెల్లడించారు. అదేవిధంగా ఈయన స్పృహ తప్పి పడిపోయిన సమయంలో తన మెదడుకు ఆక్సిజన్ అందగా చాలా ఇబ్బంది పడ్డారని ఈ క్రమంలోనే ఈయన స్పృహ వచ్చిన ఎప్పటిలాగే యధావిధిగా పని చేసుకునే విధంగా ప్రత్యేక న్యూరాలజిస్ట్ సమక్షంలో ఈయనకు వైద్యం జరుగుతోందని,ఎప్పటికప్పుడు డాక్టర్స్ ఈయన ఆరోగ్య విషయంలో స్పెషల్ కేర్ తీసుకుంటున్నట్లు తెలుస్తోంది. ఈ క్రమంలోనే మరో రెండు మూడు రోజులలో ఈయన తాజా హెల్త్ అప్డేట్ ఇవ్వబోతున్నట్లు సమాచారం.