TDP leader Vangalapudi Anitha : ఆ ఎమ్మెల్యేల పరిస్థితి ఎలా ఉందంటే..: టీడీపీ నేత వంగలపూడి అనిత

TDP leader Vangalapudi Anitha: టీడీపీ మహిళా నేతగా 2014లో తొలిసారి ఎమ్మెల్యే గా పాయకరావుపేట నియోజకవర్గం నుండి గెలిచిన వంగలపూడి అనిత తొలుత టీటీడీ సభ్యురాలిగా పనిచేసారు. ఇక 2019 ఎన్నికల్లో వైసీపీ మహిళా నేత తానేటి వనిత చేతుల్లో ఓడిపోయిన అనిత ప్రస్తుతం టీడీపీ రాష్ట్ర మహిళా అధ్యక్షురాలిగా కొనసాగుతున్నారు. మీడియా సమావేశాల్లోను డిబేట్స్ లో పాల్గొంటూ వైసీపీ మీద విరుచుకుపడే అనిత ఫైర్ బ్రాండు గా పేరు తెచ్చుకున్నారు. ఎపుడూ రాజకీయాలు విమర్శలు, ప్రతి విమర్శలు అంటూ బిజీగా ఉండే అనితగారు ప్రస్తుతం ఏపీ రాజకీయాల్లో జరుగుతున్న పరిణామాల గురించి మాట్లాడారు.

టచ్ లో ఆ నలభై మంది ఎమ్మెల్యేలు…

అనిత గారు ఇటీవల ఏపీ వైసీపీ పార్టీ గురించి మాట్లాడుతూ జగన్ తీరు నచ్చక ఆ పార్టీ 40 మంది ఎమ్మెల్యేలు మాకు టచ్ లో ఉన్నారంటూ కామెంట్స్ చేశారు. ఈ కామెంట్స్ మీద తాజాగా ఒక ఇంటర్వ్యూలో మాట్లాడుతూ మా టిడిపి పార్టీకి టచ్ లో పలువురు ఎమ్మెల్యేలు ఉన్నారని అయితే వాళ్ళ పేర్లు చెబితే అనవసరంగా వాళ్ళు ఇబ్బందులు పదుతారని అందుకే చెప్పడం లేదంటూ చెప్పారు. సీఎంని కలవడానికి ఏపీ లో వైసీపీ ఎమ్మెల్యేలు చాలా మందికి అసలు అపాయింట్మెంట్ దొరకలేదని, ఇప్పటివరకు సీఎం మొహం ఎరగని వారు చాలా మంది ఉన్నారని కేవలం సలహా దారులు మాత్రమే కలుస్తారని తెలిపారు అనిత.

మొన్న ఎమ్మెల్సీ ఎన్నికలలో క్రాస్ ఓటింగ్ అని ఆరోపణలతో సస్పెండ్ చేసిన శ్రీదేవి పరిస్థితి దారుణంగా ఉందని, ఆమెను ఆమె కూతుర్లను సోషల్ మీడియా ద్వారా బాగా ట్రోల్ చేస్తున్నారు. ఒక మహిళ అని కూడా లేకుండా మాట్లాడుతున్నారు. ఆమె ప్రెస్స్ మీట్ పెట్టి జగన్ అలాగే సజ్జల రామకృష్ణ రెడ్డి గారిని విమర్శించినప్పటి నుండి ఆమె పదికోట్లు తీసుకుంది 15 కోట్లు తీసుకుంది అంటూ కామెంట్స్ చేయడం మొదలు పెట్టారు అంటూ అభిప్రాయపడ్డారు.