Dasara Movie: దసరా సినిమాపై ప్రశంసలు కురిపించిన జక్కన్న…. ఆస్కార్ వచ్చినట్టే అంటూ నాని రిప్లై!

Dasara Movie: నాచురల్ స్టార్ నాని కీర్తి సురేష్ జంటగా తాజాగా నటించిన చిత్రం దసరా. శ్రీకాంత్ ఓదెల అనే కొత్త దర్శకుడి దర్శకత్వంలో తెరకెక్కిన ఈ సినిమా మార్చి 30వ తేదీ విడుదల అయ్యి పాన్ ఇండియా స్థాయిలో ఎంతో మంచి ఆదరణ సంపాదించుకుంది. ఇలా ఈ సినిమా మొదటి షో నుంచి మంచి ఆదరణ పొందడంతో భారీ కలెక్షన్లను కూడా రాబడుతుంది.

ఇక ఈ సినిమా చూసినటువంటి ఎంతో మంది సినీ సెలబ్రిటీలు పెద్ద ఎత్తున ప్రశంసలు కురిపిస్తున్నారు. ఇప్పటికే మహేష్ బాబు ప్రభాస్ వంటి హీరోలు ఈ సినిమాపై ప్రశంసలు కురిపించిన సంగతి తెలిసిందే. అయితే తాజాగా దర్శక ధీరుడు రాజమౌళి సైతం దసరా సినిమా గురించి స్పందిస్తూ చేసినటువంటి ట్వీట్ ప్రస్తుతం వైరల్ అవుతుంది. ఈ సినిమాలో ప్రతి ఒక్కరి గురించి చెబుతూ జక్కన్న ప్రశంసలు కురిపించారు.

రగ్గ్‌డ్ రా కారెక్టర్ల మధ్య ఇలాంటి సున్నితమైన ప్రేమను చూపించిన శ్రీకాంత్ ఓదెలకు హ్యాట్సాఫ్ చెప్పాల్సిందే.. నాని కెరీర్ బెస్ట్ పర్ఫామెన్స్ ఇచ్చాడు.. ఇక కీర్తి సురేష్ గురించి చెప్పాల్సిన పని లేదు.. ఎంతో అవలీలగా చేసేసింది.. ప్రతీ ఒక్కరూ గుర్తు పెట్టుకునేలా నటించారు.. ఇంతటి విజయాన్ని అందుకున్న దసరా టీంకు శుభాకాంక్షలు చెప్పాల్సిందే అంటూ రాజమౌళి సినిమా పై ప్రశంసలు కురిపించారు.

Dasara Movie:ఆస్కార్ అవార్డు వంటిది…

ఇలా రాజమౌళి సినిమా గురించి ప్రశంసల కురిపించడంతో డైరెక్టర్ శ్రీకాంత్ ఓదెల ఎలాంటి రిప్లై ఇవ్వాలో అర్థం కాక ఏకంగా లవ్ సింబల్ షేర్ చేస్తూ దండం పెట్టేసారు. ఇక హీరో నాని రాజమౌళి ట్వీట్ కి రిప్లై ఇస్తూ సర్ ఇదే మాకు ఆస్కార్ అవార్డు వచ్చినట్టు అంటూ రాజమౌళి చేసిన ట్వీట్ కి రిప్లై ఇచ్చారు. ప్రస్తుతం ఈ ట్వీట్ వైరల్ అవుతుంది.