Tejaswi Madivada: ఇండస్ట్రీలో కమిట్మెంట్ అడుగుతారనేది పచ్చి నిజం.. కాస్టింగ్ కౌచ్ పై తేజస్వి కామెంట్స్ వైరల్!

Tejaswi Madivada: సినిమా ఇండస్ట్రీలో క్యాస్టింగ్ కౌచ్ ఉంటుందనే విషయం అందరికీ తెలిసిందే. ఇలా ఈ కాస్టింగ్ కౌచ్ ఎప్పటినుంచో ఇండస్ట్రీలో ఉందని ఇలాంటి ఇబ్బందులను ఎంతోమంది నటీమణులు ఎదుర్కొన్నారు అంటూ ఒక్కొక్కరు కెరియర్ మొదట్లో వారు ఎదుర్కొన్న ఇబ్బందుల గురించి బయట పెడుతూ వచ్చారు. ఇకపోతే తాజాగా నటి తేజస్వి సైతం ఇండస్ట్రీలో ఉన్నటువంటి క్యాస్టింగ్ కౌచ్ గురించి నోరు విప్పారు.

ఈ సందర్భంగా ఈమె మాట్లాడుతూ సినిమా ఇండస్ట్రీలో కమిట్మెంట్ అడుగుతారనేది పచ్చి నిజం.ఎంతోమంది ఇండస్ట్రీలో ఎదగాలని ఆశతో ఇక్కడికి అడుగు పెడతారు. అయితే ఇండస్ట్రీలోకి వచ్చిన మొదట్లో తప్పకుండా ఈ ఇబ్బందులను ఎదుర్కోవాల్సి వస్తుందని ఈమె తెలిపారు.తనని కూడా ఎంతోమంది కమిట్మెంట్ అడిగారని అయితే అలాంటి వాటికి మనం లొంగిపోకుండా ధైర్యంతో ముందుకు వెళ్లాలని ఈమె సూచించారు.

కేవలం సినిమా ఇండస్ట్రీ అనే కాదు ఏ రంగంలోనైనా ఈ విధమైనటువంటి ఇబ్బందులు ఉంటాయని, వాటిని మనం ధైర్యంగా ఎదుర్కోవాలని తెలిపారు. ఇక ఇలాంటి వాటికి లొంగిపోతే తిరిగి ఇలాంటి ఇబ్బందులను ఎదుర్కొన్నామని చెప్పడం పూర్తిగా తప్పంటూ ఈ సందర్భంగా తేజస్వి ఇండస్ట్రీలో ఉన్నటువంటి కమిట్మెంట్ గురించి షాకింగ్ కామెంట్స్ చేశారు.

Tejaswi Madivada: తాగొచ్చి నన్ను చుట్టుముట్టారు..

ఇకపోతే తాను సినిమాలు మాత్రమే కాకుండా ఈవెంట్స్ కూడా వెళ్తూ ఉంటానని అక్కడ కూడా ఇలాంటి ఇబ్బందులే ఎదురవుతూ ఉంటాయని ఈమె అసలు విషయం వెల్లడించారు.ఒకసారి ఒక ఈవెంట్ వెళ్ళినప్పుడు అక్కడ జనాలు ఫుల్లుగా తాగి వచ్చి తనని చుట్టూ ముట్టారని ఆ సమయంలో వారి నుంచి తప్పించుకొని వెళ్లడానికి చాలా కష్టపడ్డానని ఈ సందర్భంగా తేజస్వి తాను ఇండస్ట్రీలో ఎదుర్కొన్న ఇబ్బందుల గురించి బయటపెట్టారు. ఇక తాజాగా ఈమె కమిట్మెంట్ అనే సినిమా ద్వారా ప్రేక్షకుల ముందుకు వచ్చారు. ఈ క్రమంలోనే ఇండస్ట్రీలో ఉన్నటువంటి కమిట్మెంట్ గురించి ఈ సందర్భంగా బయటపెట్టారు.