Thaman: ఏ గొట్టం గాడికి సమాధానం చెప్పాల్సిన పనిలేదు…. నెగిటివ్ ట్రోల్స్ పై ఘాటుగా సమాధానం చెప్పిన తమన్!

Thaman: తెలుగు సినీ ఇండస్ట్రీలో సంగీత దర్శకుడుగా ఎంతో మంచి గుర్తింపు సంపాదించుకున్న తమన్ ను గురించి ప్రత్యేకంగా చెప్పాల్సిన పనిలేదు. ప్రస్తుతం వరుస సినిమాలతో ఎంతో బిజీగా ఉన్నటువంటి ఈయన తన సినిమాల పరంగా తీవ్ర స్థాయిలో నెగిటివ్ ట్రోల్స్ ఎదుర్కొంటూ ఉంటారు. ఇలా తన గురించి ఎలాంటి విమర్శలు వచ్చినా ఎప్పటికప్పుడు ఆ విమర్శలపై స్పందిస్తూ ఉంటారు.

ఈ క్రమంలోనే తాజాగా పవన్ కళ్యాణ్ హీరోగా నటించిన బ్రో సినిమా నుంచి పాట విడుదలైన సంగతి మనకు తెలిసిందే. అయితే పవన్ కళ్యాణ్ అంటే స్టార్ హీరోకి పెట్టాల్సిన సాంగ్ కాదంటూ తమన్ పై భారీగా ట్రోల్ చేస్తున్నారు. ఈ క్రమంలోనే ఈ ప్రమోషన్లలో భాగంగా తమన్ స్పందిస్తూ ఈ విమర్శలపై ఘాటుగా స్పందించారు.

తన గురించి ఎన్నో విమర్శలు వస్తున్నప్పటికీ తాను వాటన్నింటినీ ప్రశంసలుగానే స్వీకరిస్తానని తెలిపారు. అయితే ఈ సినిమాలో ఈ పాట అక్కడ పెట్టడం కరెక్ట్ అని భావించే పెట్టామని అయినా ఇది పవన్ కళ్యాణ్ సాంగ్ కాదని సాయి ధరమ్ తేజ్ సాంగ్ అంటూ క్లారిటీ ఇచ్చారు.అంతేకాకుండా తన గురించి చాలామంది విమర్శలు చేస్తున్నారు తాను మ్యూజిక్ పై ఫోకస్ చేయకుండా క్రికెట్ పై ఫోకస్ చేస్తున్నానని కామెంట్స్ చేస్తున్నారు.

Thaman: క్రికెట్ నా వ్యసనం…

నిజానికి నాకు ఎలాంటి వ్యసనాలు లేవు నా వ్యసనం క్రికెట్ మాత్రమేనని తెలిపారు. అది కూడా నేను రాత్రి 9 తర్వాత మాత్రమే క్రికెట్ ఆడటానికి వెళ్తానని నా పనులు మానుకొని క్రికెట్ ఆడటానికి వెళ్లలేదని తెలిపారు.ఈ విషయం గురించి ఏ దర్శకుడు గానీ నిర్మాత గానీ ఇప్పటివరకు నాపై ఫిర్యాదు చేయలేదు అలాంటప్పుడు నేను ఏ గొట్టం గాడికి సమాధానం చెప్పుకోవాల్సిన పనిలేదు అంటూ క్రికెట్ ఆడటానికి వెళ్తారు అంటూ విమర్శించే వారికి తన స్టైల్ లో సమాధానం చెప్పారు.