హోటల్ లో ప్రేమజంట ఆత్మహత్య.. కారణం అదేనా..?

కేరళలోని ఇడుక్కికి చెందిన 24 ఏళ్ల ధనీష్, 20 ఏళ్ల అభిరామి కొన్నేళ్లుగా ప్రేమించుకుంటున్నారు. పెళ్లి కూడా చేసుకోవాలని నిర్ణయం తీసుకున్నారు. దీంతో ఇంట్లో వాళ్లకు చెప్పడానికి మొదట చాలా భయపడ్డారు. తర్వాత ధైర్యం చేసి తమ తల్లిదండ్రులకు ఈ విషయం తెలిపారు. మొదట వాళ్లు ససేమిరా అన్నారు.

కానీ చివరకు వాళ్ల పెళ్లికి ఒప్పుకున్నారు. ఓ రోజు కేరళలోని కుమిలీ పట్టణంలోని ఓ లాడ్జిలో ఈ జంట ఆత్మహత్య చేసుకుంది. ఎందుకు ఇలా చేశారనేది ఎవరికీ అర్థం కావడం లేదు. ఈ ఘటన అక్కడి ప్రాంతవాసులలో తీవ్ర కలకలం రేపింది. పోలీసులకు సమాచారం అందించగా.. ఘటనా స్థలానికి చేరుకున్నారు. అయితే వారిద్దరు విషం తాగి ఆత్మహత్యకు చేసుకోవడానికి కొన్ని గంటల ముందు ధనీష్ సన్నిహితులకు ఫోన్ చేసి చనిపోతున్నట్లు సమాచారం అందించాడు.

ఎందుకు అంటూ వాళ్లు కంగారుగా అడిగేలోపే ఫోన్ కట్ చేశారు. వాళ్లు ఎక్కడ ఉన్నారనే సమాచారం కూడా తెలియదు. దీంతో వాళ్లు జరిగిన విషయాన్ని పోలీసులకు తెలియజేశారు. వాళ్లు ఈ ఘటనా స్థలానికి చేరేలోపే ఆత్మహత్య చేసుకున్నారు. వాళ్ల తల్లిదండ్రలను , బంధువులను పిలిపించారు పోలీసులు. పెళ్లికి తాము కూడా ఒప్పుకున్నానమని.. ఇలా వాళ్లు ఎందుకు నిర్ణయం తీసుకున్నారో తెలియదని పోలీసులకు తెలిపారు. అక్కడ ఏమైనా సూసైడ్ నోట్ లభిస్తుందా అని చూశారు.. కానీ ఎలాంటి ఆధారాలు లభించలేదు.

దీంతో పోలీసులు కేసు నమోదు చేసుకొని.. ఈ ప్రేమ జంట మృతదేహాలను పోస్ట్‌మార్టం నిమిత్తం కొట్టాయం మెడికల్ కాలేజీకి తరలించారు. అనంతరం.. కుటుంబ సభ్యులకు అప్పగించారు. ఎవరైనా వీరిని బెదిరించారా.. అసలు ఇది ఆత్మహత్యా.. హత్యా అన్న కోణంలో పోలీసులు దర్యాప్తు చేస్తున్నట్లు పేర్కొన్నారు.