కారులో ఓ ఆవుతో షికారు.. వైరల్ అయిన వీడియో.. ఎక్కడంటే..!

కారులో షికారుకు వెళ్లాలంటే స్నేహితులు, కుటుంబసభ్యలు లేక లవర్స్ తో వెళ్తుంటారు. కానీ ఇక్కడ విచిత్రం. ఏంటంటే.. కారులో ఓ ఆవుతో షికారుకు వెళ్లారు. ఆవును రోడ్డుపై నుంచి తీసుకెళ్లాలంటేనే తెగ ఇబ్బందులు పడుతుంటారు.. కానీ ఓ ఆవును కారులో ఎక్కించడంతో విచిత్రంగానే ఉంది. పూర్తి వివరాల్లోకి వెళ్తే.. అమెరికాలోని విస్కాన్సిన్‌ నివాసి అయిన జెస్సికా నెల్సన్‌ ఓ హోటల్ ముదు నిలిపిన కారులో ఆవను చూసి ఆశ్యర్యం వేసిందని తెలిపింది.

అస్సలు ఇది నిజామా.. కలా అంటూ కొద్దిసేపు ఆ యువతి అటూ.. ఇటూ చూసింది. వెంటనే ఈ దృశ్యాన్ని తన కెమెరాలో బంధించింది. తర్వాత ఆమె ఆ వీడియోను ఫేస్ బుక్ లో పోస్ట్ చేసింది. ఓ ఆవును కారులో తీసుకెళ్తున్నారంటూ ఆమె దానికి క్యాప్షన్ కూడా ఇచ్చింది.

ఇది చూసిన నెటిజన్లు ఇతర సోషల్ మీడియాలో కూడా పోస్ట్ చేస్తుండగా.. తెగ వైరల్ గా మారింది. ఈ వీడియో కాస్త ఆవు యజమాని వరకు వెళ్లింది. దీంతో అతడు పోస్ట్ చేసిన యువతిని కాంటాక్ట్ అయ్యాడట. అతడు చెప్పిన విషయాలను ఆమె అసోసియేటెడ్‌ ప్రెస్‌కి వెల్లడించింది. అతడు చెప్పిన మాటలకు ఆమె ఇంకా ఆశ్చర్యానకి గురైందట.

ఇంతకు అతడు ఏం చెప్పాడంటే.. మీకు అద్దంలో కనిపించింది పెద్ద ఆవు కాదు. అది దూడ మాత్రమే అని అన్నారట. ఆ ఒక్కటే కాదు.. కారు వెనకాలు మరో రెండు దూడలు కూడా ఉన్నాయన్నారు. మొత్తం మూడు దూడలను కొనుగోలు చేసి ఇంటికి తీసుకెళ్తున్నట్లు వెల్లడించారు. దీంతో ఆమె అంత ఖరీదైన కారులో దూడలను తీసుకెళ్లడం ఏంటని ఆమె ఇంకా ఆ కన్ ఫ్యూజన్ లోనే ఉందట.