శివుడికే కాదు.. సామాన్యులకు మూడో కన్ను ఉంది.. అది ఇదే?

ఇన్ని రోజులు మూడో కన్ను కేవలం శివుడికి మాత్రమే ఉంటుందనే విషయం అందరికీ తెలిసిందే. అయితే ఇకపై సామాన్యులకు కూడా మూడో కన్ను రాబోతోంది. అదేంటి ప్రజలకు మూడో కన్ను ఏంటని ఆశ్చర్యపోతున్నారా.. అయితే ఇది తెలుసుకోవాల్సిందే. ప్రస్తుత కాలంలో ప్రతి ఒక్కరు సెల్ఫోన్లకు ఎంతో బానిస అయిపోయారు. సెల్ ఫోన్ చూస్తుంటే పక్కన ఏ ప్రళయం వచ్చినా పట్టించుకోము. కొన్నిసార్లు సెల్ ఫోన్ చూస్తు నడిచి వెళ్లడం వల్ల ఎన్నో ప్రమాదాలకు గురవుతున్నారు. అయితే ఇకపై ఎటువంటి ప్రమాదాలకు గురికాకుండా ఈ మూడవ కన్ను ద్వారా చెక్ పెట్టవచ్చునని కొరియాకు చెందిన ఇండ్రస్ట్రియల్ డిజైనర్ మిన్వూక్ పాంగ్ తెలిపారు.

డిజైనర్ మిన్వూక్ పాంగ్ రూపొందించిన ఈ పరికరాన్ని తలకు ధరించడం వల్ల మనం సెల్ ఫోన్ చూస్తన్న ఈ సమయంలో ఏదైనా ప్రమాదం సంభవిస్తే మనల్ని వెంటనే అప్రమత్తం చేస్తుంది. దీని ద్వారా వారు ఎటువంటి ప్రమాదాల బారిన పడకుండా ఉండవచ్చని పాంగ్ తెలిపారు. ప్లాస్టిక్ తో తయారు చేసిన ఈ ‘థర్డ్ ఐ’ పరికరాన్ని నుదుటి మీద పెట్టుకోవాలి. ఈ పరికరం చూడటానికి అచ్చం కన్ను తరహాలోనే ఉంటుంది.

ఈ పరికరానికి రెప్ప కూడా ఏర్పాటు చేయబడి ఉంటుంది. మొబైల్ వాడే వారు తలదించుకుని మొబైల్ వాడుతున్న సమయంలో ఈ మూడవ కన్ను రెప్ప తెరుచుకుంటుంది. ఈ కన్నును ప్రత్యేకంగా స్పీకర్, గైరోస్కోపిక్ సెన్సార్, సోనార్ సెన్సార్‌లు ఉంటాయి. మొబైల్ చూస్తూ నడిచేప్పుడు ఈ సెన్సార్లు యాక్టీవ్ అవుతాయి. ఈ క్రమంలోనే మన చుట్టూ ఏదైనా ప్రమాదం సంభవిస్తుందనే క్రమంలో సెన్సార్లు యాక్టివ్ అయ్యి వెంటనే మనల్ని అప్రమత్తం చేస్తాయి. దీని ద్వారా మనం ఎటువంటి ప్రమాదాలకు గురి కాకుండా అప్రమత్తం కావచ్చని పాంగ్ తెలిపారు.