Viral Video: హోటల్ గదిలో కర్టెన్ వేసుకోక పోవడంతో.. బయట రోడ్డుపై ట్రాఫిక్ జామ్.. సోషల్ మీడియాలో కలకలం

జైపూర్, జూన్ 17, 2025.. రాజస్థాన్‌ రాజధాని జైపూర్‌లోని 22 గోడౌన్ ప్రాంతం వద్ద అర్ధరాత్రి సమయంలో అనూహ్యంగా భారీ ట్రాఫిక్ జామ్ ఏర్పడింది. హాలిడే ఇన్ హోటల్ సమీపంలో ఇది చోటుచేసుకుంది. అసలు విషయం తెలుసుకొని చూసినవారు ఒక్కసారిగా షాక్‌కి గురయ్యారు. ఓ హోటల్ గదిలో ఉన్న జంట కిటికీకి కర్టెన్ వేసుకోకుండానే సన్నిహితంగా ఉండటం ప్రారంభించడంతో ఇది జరిగింది.

హోటల్ గది కిటికీ బహిరంగంగా ఉండటంతో, రహదారి పైన ఉన్నవారు ఆ దృశ్యాలను గమనించారు. దీనిని ఓ వ్యక్తి మొబైల్ కెమెరాలో రికార్డు చేసి, సోషల్ మీడియాలో పోస్ట్ చేయడంతో వీడియో వేగంగా వైరల్ అయింది. దీంతో హోటల్ సమీపంలో పెద్ద ఎత్తున జనం గుమిగూడారు. ఆ ప్రాంతంలోని రోడ్డు, ఫ్లైఓవర్ ప్రాంతాల్లో ట్రాఫిక్ జామ్ ఏర్పడింది.

సామాజిక మీడియా మీద వివిధ అభిప్రాయాలు

ఈ ఘటనపై నెటిజన్ల అభిప్రాయాలు రెండు విభిన్న దిశల్లో వెళ్తున్నాయి. కొంతమంది “కర్టెన్లు వేసుకోకపోవడం జంట తప్పే” అంటూ కామెంట్లు చేస్తున్నారు. మరికొంత మంది “వీడియో తీసి షేర్ చేసిన వారిది అసలు తప్పు”, ఇది గోప్యత ఉల్లంఘన అని తీవ్రంగా విమర్శిస్తున్నారు.

వీడియోలో జంట ముఖాలు స్పష్టంగా కనిపించకపోయినా, దీనిని పబ్లిక్ డొమెయిన్‌లో పెట్టడం అనైతికమని చెప్పుకుంటున్నారు. కొన్ని వర్గాలు ఇది గొప్పగా ఎంజాయ్ చేయదగ్గ విషయం కాదు, ఇది సామాజిక బాధ్యతతో కూడిన ప్రవర్తన కావాలి అని సూచిస్తున్నాయి.

హోటల్, పోలీసుల స్పందన లేదు

ఈ సంఘటనపై ఇంకా హోటల్ యాజమాన్యం కానీ, స్థానిక పోలీస్ శాఖ కానీ ఎలాంటి అధికారిక ప్రకటన విడుదల చేయలేదు. ఈ ఘటనపై కేసు కూడా నమోదు కాలేదు. ఇది వ్యక్తిగత గోప్యత ఉల్లంఘన కిందా పరిగణించబడే అవకాశం ఉంది. చట్టపరంగా వీడియోను తీసిన వ్యక్తిపై చర్యలు తీసుకోవాలన్న డిమాండ్లు కూడా వినిపిస్తున్నాయి.