ట్రంప్ ఎఫెక్ట్.. భారీగా దిగొచ్చిన బంగారం, వెండి ధరలు.. తులం ఎంతంటే.?

అమెరికా: బంగారం దిగుమతులపై సుంకాల విషయంలో కొనసాగుతున్న సస్పెన్స్‌కు అమెరికా అధ్యక్షుడు డొనాల్డ్ ట్రంప్ తెరదించారు. తన సోషల్ మీడియా వేదికగా చేసిన ప్రకటనలో, బంగారం దిగుమతులపై ఎలాంటి సుంకాలు విధించబోమని స్పష్టం చేశారు. అయితే, వైట్ హౌస్ నుంచి ఈ విషయంపై ఇప్పటికీ అధికారిక ప్రకటన రాలేదు. గత వారం రోజులుగా బంగారం దిగుమతులపై సుంకాలు విధించనున్నారనే వార్తలతో మార్కెట్లలో గందరగోళం నెలకొంది. ఈ నేపథ్యంలో ట్రంప్‌ చేసిన వివరణ అంతర్జాతీయ మార్కెట్లపై ప్రత్యక్ష ప్రభావం చూపింది. దీంతో బంగారం ధరలు ఒక్కసారిగా పడిపోయాయి.

భారత మార్కెట్‌పై ప్రభావం

ట్రంప్ ప్రకటనతో ప్రపంచవ్యాప్తంగా తగ్గిన ధరల ప్రభావం భారత మార్కెట్‌పైనా పడింది. గత ఐదు రోజులుగా తగ్గుతూ వస్తున్న బంగారం ధరలు, మంగళవారం మరింత భారీగా పడిపోయాయి.

• ఢిల్లీలో బంగారం ధర: మంగళవారం 10 గ్రాముల 24 క్యారెట్ల బంగారం ధర రూ. 1,000 తగ్గి రూ. 1,01,520కి చేరింది. 22 క్యారెట్ల బంగారం ధర కూడా రూ. 1,760 మేరకు పడిపోయింది.
• వెండి ధర: వెండి ధర కూడా గణనీయంగా పడిపోయింది. కిలో వెండి ధర రూ. 2,000 తగ్గి రూ. 1,12,000గా నమోదైంది. సోమవారం ఇది కిలోకు రూ. 1,14,000 వద్ద ముగిసింది.

ప్రధాన నగరాల్లో తాజా ధరలు

బంగారం ధర (10 గ్రాములకు):

నగరం	24 క్యారెట్లు	22 క్యారెట్లు
ఢిల్లీ	రూ. 1,01,540	రూ. 93,090
హైదరాబాద్	రూ. 1,01,390	రూ. 92,940
విజయవాడ	రూ. 1,01,390	రూ. 92,940
విశాఖపట్నం	రూ. 1,01,390	రూ. 92,940
బెంగళూరు	రూ. 1,01,390	రూ. 92,940

వెండి ధర (కిలోగ్రాముకు):

నగరం	వెండి ధర
ముంబై	రూ. 1,14,900
ఢిల్లీ	రూ. 1,14,900
కోల్‌కతా	రూ. 1,14,900
హైదరాబాద్	రూ. 1,24,900
చెన్నై	రూ. 1,24,900
విజయవాడ	రూ. 1,24,900
విశాఖపట్నం	రూ. 1,24,900

ఈ ధరల తగ్గుదల రాబోయే రోజుల్లో కొనుగోలుదారులకు కొంత ఉపశమనం కలిగించే అవకాశముంది. అయితే, పండుగలు, శుభకార్యాల సీజన్‌లోనూ ధరలు లక్ష మార్క్‌ దాటడంతో కొనుగోళ్లు నెమ్మదించాయి.