Udaya Bhanu : పడిపోకుండా నన్ను పట్టుకున్నారు.. ఏమిచ్చి మీ ఋణం తీర్చుకోగలను.. ఎమోషనల్ వీడియోతో యూట్యూబ్ ఎంట్రీ….!

Udaya Bhanu : బుల్లితెరపై ఒకప్పుడు యాంకర్ గా మంచి గుర్తింపు తెచ్చుకున్న ఉదయభాను చాలా గ్యాప్ తరువాత మళ్ళీ రీ ఎంట్రీ ఇవ్వాలనుకుంటోంది. ఒకప్పుడు హృదయాంజలి, సాహసం చేయరా డింభక, డాన్స్ బేబీ డాన్స్ వంటి షోలతో బాగా పాపులర్ అయిన ఉదయ భాను ఆ తరువాత సినిమాల్లోను ఎంట్రీ ఇచ్చింది. ఫైటర్స్ రామ్ లక్ష్మణ్ తో కలిసి సినిమాలో కుడా నటించింది. లీడర్ సినిమాలో రాజశేఖరా… అంటూ ఐటమ్ సాంగ్ చేసి అందరినీ ఆశ్చర్య పరిచింది.

సెకండ్ ఇన్నింగ్స్ మొదలుపెట్టిన ఉదయ భాను….

పెళ్లి తరువాత కెరీర్ కి దూరమైంది. ఒకప్పుడు రియాలిటీ షోలతో ఫుల్ క్రేజ్ తో ఉన్న ఉదయభాను ఆ తరువాత కనుమరుగయింది. ఇద్దరు ఆడపిల్లలు పుట్టాక వాళ్ళ ఆలనా పాలనతో కెరీర్ ని వదిలేసింది. ఇక ఇపుడు మళ్ళీ టీవీ లోకి ఎంట్రీ ఇవ్వాలని అనుకుంటోంది. ప్రస్తుతం జెమినీ టీవీ లో ప్రోగ్రామ్ చేస్తున్నా అంతగా షో హిట్ కాలేదు. ఇక ఈటీవీ లో కూడా గ్యాంగ్ లీడర్ అంటూ షో చేసినా ప్రయోజనం కలుగలేదు. అయితే ఇపుడు ఉదయభాను మరింత ప్రేక్షకులకు దగ్గర అవ్వడంకోసం సోషల్ మీడియా ద్వారా ప్రయత్నిస్తోంది.

గత కొన్నిరోజులుగా సోషల్ మీడియా ద్వారా తాను యూట్యూబ్ ఛానల్ పెడుతున్నట్లు హింట్లు ఇస్తున్నా తాజాగా ఒక వీడియో ద్వారా అభిమానులను పలకరించింది. మీ అభిమానం నేను సాధించిన వరం, మీ ప్రేమ అభివర్ణించలేని అద్భుతం, నా ప్రతి అడుగులో నాకు తోడుగా నిలబడింది, నాకు ధైర్యమై నిలిచింది మీరే.. అంటూ అభిమానుల కోసం ఉద్వేగపూరితంగా మాట్లాడింది ఉదయభాను. మీ అభిమానంతో నన్ను ఎప్పుడూ పడిపోకుండా పట్టుకున్నారు, గుండెల్లో పెట్టుకున్నారు. ఏమిచ్చి మీ రుణం తీర్చుకోగలను? మీకు మరింత చేరువయ్యే ప్రయత్నం చేయడం తప్ప.. అందుకే వస్తున్నా మీ ఉదయభాను’ అంటూ వీడియోలో ఎమోషనల్ గా మాట్లాడింది. ఇక ఈ వీడియోకి మంచి స్పందన లభించింది. చాలా మంది అభిమానులు మళ్ళీ ఇలా అందరికి చేరువవ్వడం సంతోషాన్నిస్తోంది అంటూ కామెంట్స్ చేస్తున్నారు. మీ గొంతులోనే ఏదో మ్యాజిక్ ఉందంటూ కామెంట్స్ పెడుతున్నారు నెటిజన్స్.