Hyderabad: హైదరాబాద్ పేరు మార్చేస్తాం… యోగి ఆదిత్యనాథ్ కు కౌంటర్ ఇచ్చిన అసదుద్దీన్?

Hyderabad: తెలంగాణలో మరొక రెండు రోజులలో ఎన్నికలు జరగబోతున్నటువంటి నేపథ్యంలో అన్ని పార్టీ నాయకులు పెద్ద ఎత్తున ప్రచార కార్యక్రమాలను నిర్వహిస్తున్నారు. ఈ క్రమంలోనే బీజేపీ పార్టీ తరపున ప్రచార కార్యక్రమాలను నిర్వహించడం కోసం ఉత్తరప్రదేశ్ ముఖ్యమంత్రి యోగి ఆదిత్యనాథ్ హైదరాబాద్లో సందడి చేశారు ఈ సందర్భంగా ఆయన మాట్లాడుతూ తాము అధికారంలోకి వస్తే హైదరాబాద్ పేరు మారుస్తామని దీనిని భాగ్యనగర్ గా పిలుస్తామని తెలిపారు.

ఇక్కడ భాగ్యలక్ష్మి ఆలయం ఉందని ఇది ఎంతో ప్రసిద్ధి చెందిందని అందుకే ఈ హైదరాబాద్ కి భాగ్యనగర్ అనే పేరును పెట్టబోతున్నట్లు ఈయన వెల్లడించారు. అయితే ఈయన చేసినటువంటి ఈ వ్యాఖ్యలకు కేంద్ర బిజెపి మంత్రి కిషన్ రెడ్డి కూడా మద్దతు తెలియజేశారు. అసలు ఈ హైదర్ ఎవరు ఈ హైదర్ పేరును మన భాగ్యనగర్ కు ఎందుకు పెట్టుకోవాలి అంటూ మాట్లాడారు. అయితే యోగి ఆదిత్యనాథ్ చేసినటువంటి ఈ వ్యాఖ్యలపై మజ్లిస్ ఇత్తేహదుల్ ముస్లిమీన్ చీఫ్ అసదుద్దీన్ స్పందిస్తూ యోగి ఆదిత్యనాథ్ కు కౌంటర్ ఇచ్చారు.

హైదరాబాద్ మా అస్తిత్వం…

అసదుద్దీన్ ఈ సందర్భంగా మాట్లాడుతూ భాగ్యనగర్ అనే పేరు ఎక్కడి నుంచి వచ్చిందో ముందుగా వారిని నేను ప్రశ్నిస్తున్నానని తెలిపారు. పేరు ఎక్కడ రాసి ఉన్నది? మీరు హైదరాబాద్‌ను ద్వేషిస్తారు. అందుకే పేరు మార్చాలని అనుకుంటున్నారు. ఇలాంటి మాటలు విద్వేషానికి ప్రతీకగా నిలుస్తున్నాయని ఈయన తెలియజేశారు.హైదరాబాద్ మా గుర్తింపు, మా అస్తిత్వం. మీరు దీని పేరు ఎలా మారుస్తారు? వాళ్లు కేవలం ద్వేష రాజకీయాలు చేస్తున్నారనీ అసదుద్దీన్ కౌంటర్ ఇచ్చారు అయితే ఇప్పుడు హైదరాబాద్ పేరు మార్చడం పట్ల యోగి వర్సెస్ అసదుద్దీన్ అనేలా మారిపోయిందని తెలుస్తోంది.