Upasana: ఉపాసన రాజకీయాలలోకి రాబోతున్నారా.. విజయ్ పార్టీ పెట్టడం పై ఉపాసన కామెంట్స్ వైరల్!

Upasana: ఉపాసన ఇటీవల తన తాతయ్య పుట్టినరోజు సందర్భంగా ది అపోలో స్టోరీస్ అనే పుస్తకావిష్కరణ కార్యక్రమం చేశారు. ఈ కార్యక్రమం అనంతరం ఈమె మీడియా సమావేశంలో పాల్గొన్నారు.ఈ సమావేశంలో భాగంగా ఉపాసన చేసినటువంటి కామెంట్స్ ప్రస్తుతం వైరల్ అవుతున్నాయి. అయితే ఇందులో భాగంగా ఈమెకు పొలిటికల్ ఎంట్రీ గురించి కూడా ప్రశ్నలు ఎదురయ్యాయి.

ముఖ్యంగా హీరో విజయ్ పార్టీ స్థాపించడం పట్ల ఈమెకు ప్రశ్నలు ఎదురు కాగ ఉపాసన సమాధానం చెబుతూ.. విజయ్ సినిమాల ద్వారా ఎంతోమంది ప్రేక్షక హృదయాలను గెలుచుకున్నారు. అదేవిధంగా ఇప్పుడు సామాజిక సేవ కార్యక్రమాలు చేయాలని భావిస్తున్నారు. ఇది చాలా గొప్ప విషయం ఈ విషయంలో నేను ప్రతి ఒక్కరికి ఒకటే చెప్పాలనుకుంటున్నాను. మీరు ఎవరికైనా సహాయం చేయాలి అంటే నాయకుడు ఎవరు అని ఆలోచించకుండా సహాయం చేయండి లేదంటే చేసే వారిని వెనక్కి లాగకండి అంటూ సమాధానం చెప్పారు.

మనం ఎప్పుడైతే కొత్త నాయకుడికి సపోర్ట్ చేస్తామో అప్పుడే మార్పు అనేది కూడా వస్తుందని ఉపాసన తెలిపారు. తమిళనాడులో కూడా ఆ మార్పులు వస్తాయని నేను ఆశిస్తున్నాను అంటూ ఈమె వెల్లడించారు సామాజిక సేవ కార్యక్రమాలలో ఎంతో యాక్టివ్ గా ఉండే ఉపాసన రాజకీయాలలోకి రాబోతున్నారా అనే ప్రశ్న ఎదురయింది.

రాజకీయాలలోకి మాత్రం రాను..

ఈ ప్రశ్నకు ఉపాసన సమాధానం చెబుతూ నేను రాజకీయాలలోకి రావడం అనేది మాత్రం జరగదని తెలిపారు. కానీ మార్పు తీసుకురావడం కోసం ప్రయత్నించే నాయకుడికి నా సపోర్ట్ ఎప్పుడు ఉంటుందని ఈమె తెలిపారు. ఇలా రాజకీయాల గురించి ఉపాసన వ్యాఖ్యలను బట్టి చూస్తుంటే ఈమె పవన్ కళ్యాణ్ కు సపోర్ట్ చేస్తున్నారని పలువురు భావిస్తున్నారు.

https://www.instagram.com/reel/C3AbbHHy4xv/?utm_source=ig_embed&ig_rid=632d59bb-6963-4d2d-a732-ce171538d024