Varalakshmi Sharath Kumar : కెరీర్ పీక్స్ లో ఉన్నపుడు అలాంటి పాత్రచేసి రాంగ్ స్టెప్ వేస్తున్న కోలీవుడ్ బ్యూటీ…!

Varalakshmi Sharath Kumar : ‘క్రాక్’ సినిమాలో జయమ్మ పాత్రలో లేడీ విలన్ గా వరలక్ష్మి నటన ఎవరైనా మర్చిపోగలారా? అంతవరకూ శరత్ కుమార్ కూతురు, తమిళ హీరో విశాల్ గర్ల్ ఫ్రెండ్ ఇలానే కొంచెం సినిమాలమీద అవగాహన ఉన్న తెలుగు ప్రేక్షకుడికి వరలక్ష్మి గురించి తెలుసు. కానీ ఒక్కసారిగా క్రాక్ సినిమాతో అమ్మడి నటన అందరినీ అబ్బురుపరిచింది. ఇక తెనాలి రామకృష్ణ, నాంది వంటి చిత్రాలతో అలరించినా క్రాక్ సినిమా ఇచ్చిన కిక్ వేరు. హీరోయిన్ గా ‘తినద్రి’ పేరుతో తమిళ ఇండస్ట్రీలోకి అడుగుపెట్టినా అదృష్టం కలిసి రాలేదు.

తల్లిగా నటించబోతున్న వరలక్ష్మి…

హీరోయిన్ గా అమ్మడి ఆహార్యం సెట్ కాలేదు దీంతో ఎంత స్టార్ నటుడి కూతురు అయినా చూసే వాళ్ళు లేకపోతే ఏం చేస్తుంది ఇక క్యారెక్టర్ ఆర్టిస్ట్ గా మారింది, విలన్ గా ఎంట్రీ ఇచ్చింది. అయితే అభిమానులు మాత్రం వరలక్ష్మి మాత్రం విలన్ గా సూపర్ అంటూ ఫిక్స్ అయ్యారు. అలా అమ్మడు ప్రస్తుతం నెగెటివ్ రోల్స్ లో అలరిస్తోంది. ఇప్పటికే బాలకృష్ణ గోపీచంద్ మలినేని సినిమాలో ఒక కీలక పాత్రలో అలాగే ఎన్టీఆర్ కొరటాల సినిమాలో ఒక కీలకం పాత్రలో నటిస్తూ కెరీర్ మంచి ఊపు మీద ఉన్న వరలక్ష్మి ఇప్పుడు ‘శబరి’ అనే సినిమాలో తల్లి పాత్రలో కనిపించునుంది.

ఏమంత వయసయిందని తల్లి పాత్ర లో నటిస్తున్నావ్ అంటూ అభిమానులు అడుగుతున్నారు. కానీ వరలక్ష్మి మాత్రం శబరి సినిమా విషయంలో చాలా కాన్ఫిడెంట్ గా ఉంది. అనిల్ దర్శకత్వంలో వస్తున్న ఈ సినిమాలో కూతురిని రక్షించుకోవడం కోసం పోరాడే అమ్మ పాత్రలో వరలక్ష్మి కనిపించునుంది. మరి ఈ పాత్ర వరలక్ష్మి కకెరీర్ కి ప్లస్ అవుతుందో మైనస్ అవుతుందో చూడాలి. అయితే అభిమానులు మాత్రం సినిమా హిట్ అయినా నీ కెరీర్ కి అది మైనస్ అంటూ ఫీల్ అవుతున్నారు.