విజయ్ దేవరకొండ ‘కింగ్డమ్’.. పెట్టింది ఎంత ? రాబట్టాల్సింది ఎంత?

హైదరాబాద్: ‘ది రౌడీ బాయ్’ విజయ్ దేవరకొండ కథానాయకుడిగా, ‘జెర్సీ’ ఫేమ్ గౌతమ్ తిన్ననూరి దర్శకత్వంలో తెరకెక్కిన లేటెస్ట్ ఫిల్మ్ ‘కింగ్‌డమ్‌’. అనిరుధ్ రవిచందర్ సంగీతం అందించిన ఈ సినిమాకు, విజయ్-గౌతమ్-అనిరుధ్ కాంబినేషన్‌తో పాటు నిర్మాణ సంస్థ మీద ఉన్న నమ్మకంతోనే మంచి డిమాండ్ ఏర్పడింది. మార్కెట్‌లో ఈ సినిమాకు ప్రీ రిలీజ్ బిజినెస్ బలంగా జరిగింది.

ప్రీ రిలీజ్ బిజినెస్ వివరాలు

తెలుగు రాష్ట్రాల్లో సినిమా హక్కులు భారీ ధరలకు అమ్ముడయ్యాయి.

• నైజాం (తెలంగాణ) డిస్ట్రిబ్యూషన్ హక్కులు: రూ.15 కోట్లు
• ఏపీ రైట్స్: రూ.15 కోట్లు
• రాయలసీమ (సీడెడ్) రైట్స్: రూ.15 కోట్లు
• ఈ విధంగా రెండు తెలుగు రాష్ట్రాల నుంచి మొత్తం రూ.36 కోట్లు వసూలు అయ్యాయి.

ఇతర మార్కెట్ల నుంచి వచ్చిన వసూళ్లు:

• ఓవర్సీస్ రైట్స్: రూ.9.5 కోట్లు
• కర్ణాటక + రెస్ట్ ఆఫ్ ఇండియా రైట్స్: రూ.3.5 కోట్లు
• డబ్బింగ్ రైట్స్: రూ.3.5 కోట్లు

మొత్తంగా ‘కింగ్‌డమ్‌’ వరల్డ్ వైడ్ ప్రీ రిలీజ్ బిజినెస్ రూ.52.50 కోట్లు. డిస్ట్రిబ్యూటర్లకు లాభాలు రావాలంటే కనీసం రూ.54 కోట్ల షేర్ అవసరం. అంటే సినిమా హిట్ కావాలంటే సుమారు రూ.100 కోట్ల గ్రాస్ రాబట్టాలి.

విజయ్ దేవరకొండ కెరీర్‌లో ప్రీ రిలీజ్ బిజినెస్ ర్యాంకింగ్

విజయ్ దేవరకొండ కెరీర్‌లో ప్రీ రిలీజ్ బిజినెస్ పరంగా టాప్ సినిమాలు ఇక్కడ చూడండి:

ర్యాంక్	సినిమా పేరు	ప్రీ రిలీజ్ బిజినెస్ (కోట్లు)
1	లైగర్	రూ.88.50
2	ఖుషి	రూ.53
3	కింగ్‌డమ్‌	రూ.52.50
4	ది ఫ్యామిలీ స్టార్	రూ.43
5	డియర్ కామ్రేడ్	రూ.34.60
6	వరల్డ్ ఫేమస్ లవర్	రూ.30.50
7	నోటా	రూ.26
8	టాక్సీవాలా	రూ.18

చిత్ర బృందం, విడుదల వివరాలు

భాగ్య శ్రీ బోర్సే కథానాయికగా నటించిన ఈ సినిమాలో, సత్యదేవ్ కీలక పాత్రలో, మలయాళ నటుడు వెంకిటేష్ విలన్ పాత్రలో కనిపించనున్నారు. జూలై 31న ప్రపంచవ్యాప్తంగా సినిమా విడుదల అవుతోంది. శ్రీకర స్టూడియోస్ సమర్పణలో సితార ఎంటర్‌టైన్‌మెంట్స్ మరియు ఫార్చ్యూన్ ఫోర్ సినిమాస్ బ్యానర్లపై నాగవంశీ, సాయి సౌజన్య ఈ సినిమాను నిర్మించారు.

‘కింగ్‌డమ్‌’పై భారీ అంచనాలు నెలకొనగా, ప్రీ రిలీజ్ బిజినెస్ గణాంకాలు సినిమాకు మంచి ఓపెనింగ్‌ను సూచిస్తున్నాయి. విజయ్ దేవరకొండ కెరీర్‌లో ఈ సినిమా ఎలాంటి మలుపు తిప్పుతుందో చూడాలి.