Vishwak Sen: వాస్తవాలు తెలియకుండా మాట్లాడుతున్నారు.. అర్జున్ వ్యాఖ్యలపై స్పందించిన విశ్వక్!

Vishwak Sen: సీనియర్ యాక్టర్ అర్జున్ మీడియా సమావేశంలో భాగంగా హీరో విశ్వక్ సేన్ గురించి చేసిన వ్యాఖ్యలు పెద్ద ఎత్తున సంచలనం రేపాయి. ఈ క్రమంలోనే అర్జున్ విశ్వక్ గురించి మాట్లాడుతూ తన సినీ కెరియర్లో ఇలాంటి డెడికేషన్ లేని హీరోని చూడలేదనీ, అతను డెడికేషన్ లేని వ్యక్తి అంటూ పెద్ద ఎత్తున కామెంట్లు చేశారు. ఈ క్రమంలోనే అర్జున్ చేసిన వ్యాఖ్యలపై విశ్వక్ స్పందించారు.

హైదరాబాదులో రాజయోగం సినిమా టీజర్ లాంచ్ కార్యక్రమంలో ముఖ్య అతిథిగా పాల్గొన్నటువంటి ఈయనకు అర్జున్ చేసినటువంటి వ్యాఖ్యలపై ప్రశ్నలు ఎదురయ్యాయి. ఈ క్రమంలోనే విశ్వక్ మాట్లాడుతూ…నేను చేసిన ప్రతి ఒక్క సినిమాకి నా ఎఫర్ట్స్ పెట్టి చేశాను నావల్ల ఏ నిర్మాతలు కూడా నష్టపోలేదని ముందు ఈయన క్లారిటీ ఇచ్చారు.

ఇక అర్జున్ సినిమా గురించి మాట్లాడుతూ మా మధ్య సరైన అవగాహన లేకుండా పోయింది. ఈ సినిమా కోసం నేను నా వంతు కృషి చేసి సినిమా చేయాలనుకున్నాను. సినిమా చేయనని నేను ఎక్కడా చెప్పలేదు. చాలా ఆలస్యంగా నేను రియలైజ్ అయ్యానని ,వాళ్ల మేనేజర్ ఫోన్ చేసి సినిమా కోసం తీసుకున్నటువంటి రెమ్యూనరేషన్ వెనక్కి పంపించమని చెప్పారు.

Vishwak Sen: సినిమా చేయనని ఎక్కడ చెప్పలేదు…

సెట్ లో తనకు కంఫర్ట్ లేకుండా తాను సినిమా చేయలేనని చెప్పాను. ఒక మంచి సినిమాని ప్రేక్షకుల ముందుకు తీసుకు రావడం కోసమే తాను మాట్లాడానని అయితే అర్జున్ సార్ వాస్తవాలు తెలియకుండా మాట్లాడటం చాలా బాధగా ఉంది అంటూ ఈ సందర్భంగా విశ్వక్ అర్జున్ వ్యాఖ్యలపై స్పందించారు. నేను ఈ సినిమా కోసం ఏం చెప్పినా ఏం చేసినా సినిమా మంచిగా రావడం కోసమే చేశానని ఈయన క్లారిటీ ఇచ్చారు. ప్రస్తుతం విశ్వక్ చేసినటువంటి ఈ వ్యాఖ్యలు వైరల్ అవుతున్నాయి.