కారు ఆపి అంత పని చేసిన మహిళ… వీడియో వైరల్!

అన్ని జన్మలలోకి మానవ జన్మ ఎంతో గొప్పది.అయితే ఈ మానవ జన్మ ఎత్తినందుకు ఆ జీవితానికి సార్ధకత అనేది ఉండాలని చెబుతుంటారు. మానవ రూపంలో ఉన్న మనం ఇతర మనుషుల పట్ల, జంతువుల పట్ల సాయం చేస్తూ మానవత్వాన్ని చాటుకోవాలి. లేకపోతే మన ఎత్తిన ఈ జన్మకు సార్థకత ఉండదని చెప్పవచ్చు. ఈ క్రమంలోనే ఈ వీడియోలో మహిళ చేసిన పని చూస్తే ప్రతి ఒక్కరూ మెచ్చుకోకుండా ఉండలేరు. కారు ఆపి మరి మహిళ చేసిన పనికి నెటిజన్లు ఫిదా అయిపోయారు.

జెస్సికా ఫాయే ఉండా అనే మహిళ దీన్ని ముందుగా ఇన్‌స్టాగ్రామ్‌లో పోస్ట్ చేసింది. ఈ వీడియోలో ఓ మహిళ కారులో ప్రయాణిస్తుంది. ఈ క్రమంలోనే ఓ బాతు తన పిల్లలను తీసుకొని రోడ్డు దాటడానికి ఎంతో ఇబ్బంది పడుతోంది.ఇది గమనించిన మహిళ తన కారును పక్కన ఆపి రోడ్డుపై వెళ్తున్న ఇతర వాహనాలను కూడా ఆపింది.ఈ క్రమంలోనే బాతు తన పిల్లలతో ఎంతో సురక్షితంగా రోడ్డు దాటింది. ఈ సందర్భంగా ఈ వీడియోను షేర్ చేసిన మహిళ “నా పుట్టినరోజు సందర్భంగా నేను చేసిన మంచి పని” అని జెస్సికా పోస్ట్ చేశారు.

https://www.instagram.com/p/CPGr5K_AV_u/?utm_source=ig_embed&ig_rid=76828578-cd2e-41cc-97eb-6042142992c7

ప్రస్తుతం ఈ వీడియో సోషల్ మీడియాలో వైరల్ గా మారి ఎంతోమంది నెటిజన్లను ఆకట్టుకుంది. ఈ క్రమంలోనే ఈ వీడియోను చూసిన చత్తీస్‌గడ్‌కు చెందిన అడిషనల్ ట్రాన్స్‌పోర్ట్ కమిషనర్, ఐపీఎస్ అధికారి దీపాన్షు కాబ్రా కూడా ట్విట్టర్లో పోస్టు చేశారు. ఇదేవిధంగా సమాజంలో ప్రతి ఒక్కరూ ఈ మహిళ మాదిరిగానే ఎంతో విలువలతో జాలి, దయ, కరుణలతో మెలిగితే ఈ ప్రపంచాన్ని అద్భుతంగా మార్చవచ్చని పేర్కొన్నారు. మరెందుకాలస్యం ఇంత అద్భుతమైన వీడియో పై మీరు ఓ లుక్కేయండి.